24 نومبر ، 2021 
حکومت کے بروقت اقدامات نہ کرنے سے گیس بحران آیا: شوکت ترین کا اعتراف
24 نومبر ، 2021
اسلام آباد: مشیر خزانہ شوکت ترین نے حکومت کے بروقت اقدامات نہ کرنے پر ملک میں گیس بحران کا اعتراف کرلیا۔
شوکت ترین نے ایک ٹی وی انٹرویو میں کہا کہ حکومت کے بروقت اقدامات نہ کرنے سے ملک میں گیس کا بحران آیا، گیس کے جو کارگو لینے چاہیے تھے وہ نہیں لیے لیکن اب وقت گزر گیا اور اب عالمی سطح پر مہنگی گیس مل رہی ہے۔
مشیر خزانہ کا کہنا تھا کہ تجزیہ کاروں کا خیال ہے کہ دسمبر جنوری میں عالمی سطح پر گیس کی قیمتوں میں کمی کا امکان ہے۔
دوسری جانب گیس بحران پر اقدامات نہ اٹھانے کا معاملہ جیونیوز کے پروگروام آج شاہزیب خان زادہ کے ساتھ میں اٹھایا جا تا رہا۔
پروگرام میں حکومتی رپورٹس اور حقائق پر مبنی 5 سوالات اٹھائے گئے کہ نیپرا کی رپورٹ، ایل این جی ٹرمینلز کی کپیسٹی کے مطابق استعمال نہ کرنے، تاخیر سے ٹینڈر، گیس پائپ لائن اور نئے ٹرمینل پر اب تک کام شروع نہ ہو سکا ۔
