Can't connect right now! retry

انٹرٹینمنٹ
25 نومبر ، 2021

کپل کے شو میں آج تک کن 5 معروف شخصیات نے شرکت نہیں کی؟

کیا آپ جانتے ہیں کہ ان مشہور شخصیات میں کون کون شامل ہے؟—فوٹو فائل
کیا آپ جانتے ہیں کہ ان مشہور شخصیات میں کون کون شامل ہے؟—فوٹو فائل

معروف کامیڈین کپل شرما کا شو 'دی کپل شرما شو' بالی وڈ فلموں کی تشہیر کے لیے ایک اہم پلیٹ فارم ہے جہاں سلمان خان، شاہ رخ خان سے لے کر امیتابھ بچن اور اکشے کمار تک، بالی وڈ کے کئی بڑے ستارے اپنی فلموں کی تشہیر کر چکے ہیں۔

لیکن اب بھی کئی ایسے نام ہیں، جو آج تک بار بار دعوت ملنے کے باوجود کپل شرما کے کسی بھی شو میں نظر نہیں آئے۔

کیا آپ جانتے ہیں کہ ان مشہور شخصیات میں کون کون شامل ہے؟

عامر خان

عامر کو کئی بار شو میں آنے کی دعوت دی گئی—فوٹو فائل
عامر کو کئی بار شو میں آنے کی دعوت دی گئی—فوٹو فائل

کپل 2013 سے ٹی وی پر کامیڈی شوز کی میزبانی کر رہے ہیں۔ اس کے بعد سے عامر خان کی'دھوم 3' (2013)، 'پی کے' (2014)، 'دنگل' (2016) اور ، 'ٹھگز آف ہندوستان' (2018) جیسی فلمیں ریلیز ہو چکی ہیں۔

لیکن وہ ان میں سے ایک بھی فلم کی تشہیر کے لیے کپل کے شو میں نہیں گئے۔ 

عامر کو کئی بار شو میں آنے کی دعوت دی گئی لیکن ہر بار انہوں نے یہ کہہ کر پیشکش ٹھکرا دی کہ وہ کسی بھی شو میں اپنی فلموں کی تشہیر نہیں کریں گے۔

مہندر سنگھ دھونی

کپل شرما کے شو میں ویسٹ انڈین کرکٹر کرس گیل، وسیم اکرم، شعیب اختر سمیت کئی لیجنڈ کھلاڑیوں نے شرکت کی—فوٹو فائل
کپل شرما کے شو میں ویسٹ انڈین کرکٹر کرس گیل، وسیم اکرم، شعیب اختر سمیت کئی لیجنڈ کھلاڑیوں نے شرکت کی—فوٹو فائل

کپل شرما کے شو میں ویسٹ انڈین کرکٹر کرس گیل، وسیم اکرم، شعیب اختر سمیت کئی لیجنڈ کھلاڑیوں نے شرکت کی لیکن اب تک بھارتی سابق کپتان مہندر سنگھ دھونی شو میں نظر نہیں آئے۔

دراصل، کپل نے کئی بار دھونی کو شو میں مدعو کرنے کی کوشش کی لیکن انہوں نے ہر بار مصروف شیڈول کی وجہ سے پیشکش ٹھکرا دی۔

سچن ٹنڈولکر

سچن کی اہلیہ کو بھی نوجوت سنگھ سدھو نے شو میں آنے کی دعوت دی تھی لیکن وہ نہیں آئیں—فوٹو فائل
سچن کی اہلیہ کو بھی نوجوت سنگھ سدھو نے شو میں آنے کی دعوت دی تھی لیکن وہ نہیں آئیں—فوٹو فائل

لٹل ماسٹر سچن ٹنڈولکر بھی کپل کے شو میں بطور مہمان کبھی شریک نہیں ہوئے۔ یہاں تک کہ ان کی اہلیہ انجلی کو بھی سابق کرکٹر اور ایک عرصے تک شو کا حصہ رہنے والے نوجوت سنگھ سدھو نے شو میں آنے کی دعوت دی تھی لیکن وہ نہیں آئیں۔

رجنی کانت

رجنی کانت حال ہی میں فلم اناتھے میں نظر آئے—فوٹو فائل
رجنی کانت حال ہی میں فلم 'اناتھے' میں نظر آئے—فوٹو فائل

سپر اسٹار رجنی کانت کو بھی کئی بار شو میں مہمان بننے کے لیے مدعو کیا گیا لیکن انہوں نے کبھی بھی شو کا حصہ بننے میں کوئی دلچسپی نہیں دکھائی۔ رجنی کانت حال ہی میں فلم 'اناتھے' میں نظر آئے۔

لتا منگیشکر

کپل نے لتا کو کئی بار شو میں مدعو کرنے کی کوشش کی—فوٹو فائل
کپل نے لتا کو کئی بار شو میں مدعو کرنے کی کوشش کی—فوٹو فائل

کپل شرما خود بھی گلوکاری کرتے ہیں اور لتا منگیشکر کے بہت بڑے مداح بھی ہیں۔ کپل نے انہیں بھی کئی بار شو میں مدعو کرنے کی کوشش کی لیکن ہر بار وہ ناکام رہے۔ لتا منگیشکر نے ہر بار ان کی پیشکش ٹھکرا دی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM