پاکستان کی جانب سے ٹیسٹ ڈیبیو کرنے والے عبداللہ شفیق کا پسندیدہ کرکٹر کون ہے؟

بنگلا دیش کے خلاف چٹاگانگ ٹیسٹ میں پاکستان کی جانب سے عبداللہ شفیق اپنا ڈیبیو کر رہے ہیں۔

ٹیسٹ بیٹر عبداللہ شفیق کو قومی ٹیم کے کپتان بابر اعظم نے گرین کیپ دی جس کے بعد وہ پاکستان کی جانب سے ٹیسٹ کرکٹ کھیلنے والے والے 246 ویں کھلاڑی بن گئے۔

چٹاگانگ ٹیسٹ: بنگلادیش کا پاکستان کیخلاف ٹاس جیت کر بیٹنگ کا فیصلہ

پاکستان کی جانب سے 22 سالہ عبداللہ شفیق ٹیسٹ ڈیبیو کر رہے ہیں۔

اس موقع پر عبداللہ شفیق کا کہنا تھا کہ ٹیسٹ کرکٹ میں اپنے ملک کی نمائندگی کرنا ہر کرکٹر کی خواہش ہوتی ہے، آج کے دن میرا خواب پورا ہوا ہے جس پر بہت خوشی ہے۔

عبداللہ شفیق کا کہنا ہے کہ اپنے سینئر کھلاڑیوں سے بہت کچھ سیکھا ہے، میچ میں اچھی پرفارمنس دکھانے کی پوری کوشش کروں گا۔

اپنے پسندیدہ کھلاڑی کے حوالے سے بتاتے ہوئے عبداللہ شفیق کا کہنا تھا کہ ٹیسٹ کرکٹ میں رکی پونٹنگ میرے پسندیدہ کھلاڑی ہیں۔