کورونا: مساجد میں صرف ویکسین شدہ افراد کو عبادت کی اجازت ہوگی، نیا حکم نامہ جاری

محکمہ داخلہ سندھ نے مساجد میں عبادت سے متعلق نیشنل کمانڈ اینڈ آپریشن سینٹر (این سی او سی) کی ہدایات کی روشنی میں نئے احکامات جاری کردیے۔

محکمہ داخلہ سندھ کے نوٹیفکیشن کے مطابق  مساجد میں صرف ویکسین شدہ افراد کو ہی عبادت کی اجازت ہوگی۔

کورونا کیسز میں اضافہ: تمام مزارات، تھیٹر اور سینما گھر بند کر نے کی سفارش

500 سے زائد افراد کے ہر قسم کے اجتماع پر پابندی، موسم سرما کی چھٹیاں جلد اور طویل کرنے کی بھی سفارش، حتمی منظوری قومی رابطہ کمیٹی دے گی

نوٹیفکیشن میں ہدایات جاری کی گئی ہیں کہ  مساجد کے اندر نماز پڑھنے والوں کے لیے ماسک پہننا لازمی ہوگا جبکہ مساجد کے فرش سے قالین وغیرہ ہٹالیا جائے۔

اس کے علاوہ محکمہ داخلہ سندھ نے ہدایت جاری کرتے ہوئے کہا ہے کہ  مساجد کو عبادت کے لیے ہوا دار کرنے کے انتظامات بھی کیے جائیں۔