پاکستان
02 دسمبر ، 2021

لاہور سمیت پنجاب میں دھند کا راج برقرار، موٹر وے ایم 2 اور ایم 3 ٹریفک کیلئے بند

لاہور سمیت پنجاب کے مختلف علاقوں میں آج صبح بھی دھند کا راج برقرار ہا۔

ترجمان موٹروے پولیس کے مطابق شدید دھند کے باعث صبح کے وقت موٹروے ایم ٹو کو لاہور سے شیخوپورہ اور ایم تھری کوفیض پور سے سمندری تک ٹریفک کے لیے بند کردیا گیا۔

موٹروے پولیس  حکام  نے روڈ استعمال کرنے والے شہریوں کو ہدایت کی کہ وہ دھند والی لائٹس استعمال کریں، تیز رفتاری سےگریز کر یں اورگاڑیوں کے درمیان مناسب فاصلہ رکھیں۔

دھند بڑھنے کا امکان ہے: محکمہ موسمیات

دوسری جانب محکمہ مو سمیات  نے  آئندہ دنوں میں صبح اور رات کےاوقات میں دھند بڑھنے کا امکان ظاہر کیا  ہے۔

محکمہ موسمیات کا کہنا ہے کہ فی الحال بارش کا کوئی امکان نہیں، موسم سرداور خشک رہے گا جب کہ آئندہ دنوں میں دھندمزید بڑھے گی۔

علاوہ ازیں عالمی ماحولیاتی ویب سائٹ کے مطابق فضائی آلودگی میں لاہور دنیا میں دوسرے نمبر پر ہے جہاں پرٹیکیولیٹ میٹرز کی تعداد 297 ریکارڈ کی گئی ہے۔

محکمہ ماحولیات پنجاب کے مطابق نیشنل ہاکی اسٹیڈیم لاہور میں ائیر کوالٹی انڈیکس 398، فیصل آباد میں 195،رحیم یار خان میں 180 ،اورراولپنڈی میں 158 ریکارڈ کیا گیا ۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM