دنیا
02 دسمبر ، 2021

میگھن مارکل نے برطانوی اخبارکیخلاف پرائیویسی کے حق کا مقدمہ جیت لیا

برطانوی شاہی خاندان کی بہو ڈچس آف سسیکس میگھن مارکل نے برطانوی اخبار میل آن سنڈے کے خلاف پرائیویسی کے حق کا مقدمہ جیت لیا۔ 

برطانوی میڈیا کی رپورٹ کے مطابق لندن کی کورٹ آف اپیل نےقرار دیا کہ  اخبار نے میگھن کی جانب سے  والد کو لکھا گیا خط بلا اجازت شائع کرکے نجی معاملات میں مداخلت کی اور برطانوی قوانین کی خلاف ورزی کی۔

عدالت نے فروری 2021 کے ہائی کورٹ کے فیصلے کو برقرار رکھتے ہوئےکہا کہ خط کا مواد ذاتی نوعیت کا تھا اور اسے منظر عام پر لانا حقیقی عوامی مفاد میں نہیں تھا۔

برطانوی میڈیا کی رپورٹ کے مطابق ہائی کورٹ کے جج نے بھی پرائیویسی اور کاپی رائٹ کے کیس میں ڈچز کے حق میں فیصلہ دیا تھا۔ 

کورٹ آف اپیل نے کہا کہ معاملات اتنے واضح ہیں کہ مکمل سماعت کی ضرورت نہیں ہے۔

 اپنی کامیابی پر جاری ایک بیان میں میگھن مارکل نےکہا ہےکہ یہ فتح صرف اُن کےلیے نہیں بلکہ ہر اس شخص کی فتح ہے جس نے کبھی حق کے لیےکھڑے ہونے میں خوف محسوس کیا ہو۔

میگھن کا کہنا تھا کہ تین سال تک انہوں نے دھوکہ دہی، دھمکیوں اور خود کو سوچ سمجھ کر نشانہ بنائے جانےکی مہم کا سامنا کیا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM