واٹس ایپ کے وہ فیچرز جو صرف آئی فون پر استعمال کیے جاسکتے ہیں

04 دسمبر ، 2021

واٹس ایپ کے اکثر و بیشتر فیچرز اینڈرائیڈ، آئی فون اور ونڈوز ڈیوائسز میں ایک ہی طرح کام کرتے ہیں — فوٹو:فائل

عالمی سطح پر مقبول میسجنگ ایپلیکیشن ’واٹس ایپ‘ اینڈرائیڈ، آئی فون اور ونڈوز کیلئے فیچرز میں تبدیلیاں لاتی رہتی ہے اور اس کی اپڈیٹس بھی صارفین کو مسلسل موصول ہوتی ہیں۔

واٹس ایپ کے اکثر و بیشتر فیچرز اینڈرائیڈ، آئی فون اور ونڈوز ڈیوائسز میں ایک ہی طرح کام کرتے ہیں تاہم واٹس ایپ میں چند ایسے فیچرز بھی ہیں جو صرف آئی فون پر استعمال کیے جاسکتے ہیں۔

اگر آپ آئی فون کے صارف ہیں تو واٹس ایپ پر انفرادی یا کسی گروپ کی جانب سے آنے والا کوئی بھی میسج نوٹیفکیشن آنے پر ہی دیکھ سکتے ہیں، اس کیلئے آپ کو آنے والے میسج کو دبا کر رکھنا ہوگا اور آپ کے سامنے میسج کھل جائے گا اور جیسے ہی آپ انگلی ہٹائیں گے میسج دوبارہ نوٹیفکیشن کی صورت اختیار کرلے گا، اس طرح پیغام بھیجنے والے شخص کو یہ معلوم بھی نہیں ہوسکے گا کہ آپ نے میسج پڑھ لیا ہے۔

اس کے علاوہ کوئی صارف میسج یا بھیجی گئی میڈیا فائل کو سب کیلئے ڈیلیٹ کرتا ہے تو وہ سیو فائل بھی گیلری سے ڈیلیٹ ہوجاتی ہے لیکن اگر آپ آئی فون یوزر ہیں تو یہ میسج آپ کے پاس سے ڈیلیٹ نہیں ہوگا۔

آئی فون صارف تصویر کو بلر بھی کرسکتا ہے اور یہ سہولت ڈرائنگ ایڈیٹر کے ذریعے استعمال کی جاسکتی ہے۔

اس کے علاوہ اگر آپ آئی فون صارف ہیں تو صوتی پیغام (وائس نوٹ) بھی بھیجنے والے کو معلوم ہوئے بغیر سن سکتے ہیں۔

اس کیلئے آپ کو آنے والے میسج کو دبا کر رکھنا ہوگا اور آپ آسانی سے میسج سن لیں گے جس کا پیغام بھیجنے والے شخص کو معلوم نہیں ہوسکے گا۔

آئی فون میں ایک اور منفرد سہولت تصویر کی طرح ویڈیو کو کراپ بھی کرنا ہے، آئی فون صارف کسی کو بھی ویڈیو بھیجنے سے قبل کروپ کرسکتا ہے۔