بھارتی ریاست ناگالینڈ میں سکیورٹی فورسز نے فائرنگ کر کے 13مزدور مار ڈالے

بھارتی ریاست ناگالینڈ میں سکیورٹی فورسز کی فائرنگ سے 13مزدور ہلاک اور متعدد زخمی ہوگئے۔

بھارتی میڈیا کے مطابق  سکیورٹی فورسز نے بھارتی ریاست ناگا لینڈ میں  ایک آپریشن کے دوران ٹرک پر فائرنگ کی، ٹرک میں کوئلے کی کان میں کام کرنے والے مزدور موجود تھے، ٹرک پر فائرنگ کے خلاف احتجاج کرتے لوگوں پر بھی سکیورٹی فورسز نے فائرنگ کی جس کے نتیجے میں 13مزدور ہلاک ہوگئے ۔

میانمار: فورسز نے فوج مخالف مظاہرین پر گاڑ ی چڑھادی، 5 ہلاک

فوجی گاڑی کی ٹکر سے کئی افراد بھی ہوئے: غیر ملکی میڈیا

رپورٹس کے مطابق  شہریوں کی ہلاکت پر مشتعل ہجوم نے سکیورٹی فورسز کی گاڑیوں کو آگ لگا دی جبکہ مشتعل ہجوم اور سکیورٹی فورسز کے درمیان جھڑپ میں ایک سکیورٹی اہلکار بھی مارا گیا۔

پولیس کے مطابق ہلاک ہونےوالوں میں ایک غیر مقامی مزدور بھی شامل ہے۔

دوسری جانب  بھارتی فوج کا کہنا ہے کہ علاقے میں شدت پسندوں کی موجودگی کی اطلاعات پرآپریشن کیا جارہا تھا جبکہ آپریشن میں شہریوں کی ہلاکت کی تحقیقات کی جارہی ہیں۔