07 دسمبر ، 2021 
10 وکٹیں لینے پر اعجاز پٹیل کو کس کے کہنے پرٹوئٹر اکاؤنٹ پر ’بلیو ٹک‘ دیا گیا؟
07 دسمبر ، 2021
ممبئی ٹیسٹ میں بھارتی ٹیم کی کمر توڑنے والے اعجاز پٹیل کو 10 وکٹیں لینے پر ٹوئٹر کی جانب سے ایک تحفہ دیا گیا ہے۔
ممبئی ٹیسٹ میں بھارتی نژاد کیوی بولر اعجاز پٹیل نے بھارت کی پوری ٹیم کو اکیلے پویلین بھیج کر ریکارڈ اپنے نام کیا۔
اعجاز پٹیل نے 119 رنز دے کر 10 کھلاڑیوں کوآؤٹ کیا تھا۔
اعجاز پٹیل کے اس شاندار کارنامے پر جہاں دنیا بھر کے کرکٹرز نے ان کی تعریف کی تھی وہیں بھارتی اسپنر روی چندرن ایشون نے بھی انہیں خوب داد دی اور انہیں ٹی شرٹ کا تحفہ بھی دیا۔
ایشون نے اپنے تصدیق شدہ ٹوئٹر اکاؤنٹ سے ٹوئٹر کے ویری فائیڈ اکاؤنٹ کو ٹیگ کرتے ہوئے اعجاز پٹیل کے ویری فائیڈ ٹوئٹر اکاؤنٹ کی درخواست کی۔
ایشون نے کہا کہ ایک اننگ میں دس وکٹیں لینے پر اعجاز پٹیل لازمی طور پر ویری فائیڈ اکاؤنٹ کے حق دار ہیں۔
ایشون کی درخواست سے پہلے اعجاز پٹیل کے پاس بلیو ٹک کے ساتھ ٹوئٹر کا ویری فائیڈ اکاؤنٹ نہیں تھا لیکن 10 وکٹوں کا کارنامہ انجام دے کر شہرت کمانے والے اعجاز پٹیل کو اس کارنامے کے بعد ٹوئٹر نے ان کا اکاؤنٹ ویری فائیڈ کردیا۔
اعجاز پٹیل کا اکاؤنٹ ویری فائیڈ ہونے پر ایشون نے ٹوئٹر کا شکریہ بھی ادا کیا۔
واضح رہے کہ ممبئی ٹیسٹ میں بھارت نے نیوزی لینڈ کو 372 رنز سے شکست دے کر سیریز میں 0-1 کی برتری حاصل کی۔
مزید خبریں :
کراچی پریمیئر لیگ ملیر ڈولفنز نے جیت لی
17 نومبر ، 2024
بھارتی کرکٹر سنجو سیمسن نے ٹی ٹوئنٹی میں نئی تاریخ رقم کر دی
17 نومبر ، 2024
حارث رؤف نے ٹی ٹوئنٹی انٹرنیشنلز میں اہم اعزاز اپنے نام کرلیا
17 نومبر ، 2024
