08 دسمبر ، 2021 
کھیل
پیٹ کمنز نے شاندار بولنگ کا مظاہرہ کرتے ہوئے 38 رنز کے عوض 5 کھلاڑیوں کو آؤٹ کیا۔ فوٹو: کرک انفو
پیٹ کمنز 1962 کے بعد ایشز میں 5 وکٹیں لینے والے پہلے کپتان
08 دسمبر ، 2021
پیٹ کمنز تقریباً 50 برس بعد ایشز سیریز میں 5 وکٹیں لینے والے پہلے آسٹریلوی کپتان بن گئے۔
آسٹریلیا اور انگلینڈ کے درمیان ایشز سیریز کا پہلا ٹیسٹ برسبین میں جاری ہے اور پہلی اننگز میں انگلینڈ کی ٹیم 147 رنز پر ڈھیر ہو گئی ہے۔
انگلینڈ کی جانب سے جوز بٹلر 39 اور اولی پوپ 35 رنز بنا کر نمایاں رہے جبکہ کینگروز کپتان پیٹ کمنز نے 38 رنز دیکر 5 کھلاڑیوں کو آؤٹ کیا۔
پیٹ کمنز آسٹریلیا کی جانب سے ایشز سیریز میں 1962 کے بعد ایک اننگز میں 5 وکٹیں لینے والے پہلے بولر بن گئے ہیں۔
اس سے قبل 1962 میں رچی بینوڈ نے ایک اننگز میں 5 وکٹیں لینے کا اعزاز حاصل کیا تھا۔
مزید خبریں :
اظہر علی کو پی سی بی میں اہم عہدہ مل گیا
22 نومبر ، 2024
