09 دسمبر ، 2021 
بھارت میں تباہ ہونیوالے فوجی ہیلی کاپٹر کا کاک پٹ وائس ریکارڈ مل گیا
09 دسمبر ، 2021
بھارتی ریاست تامل ناڈو میں گزشتہ روز تباہ ہونے والے چیف آف ڈیفنس اسٹاف جنرل بپن راوت کے ہیلی کاپٹر کا کاک پٹ وائس ریکارڈ مل گیا ہے۔
بھارتی خبر رساں ادارے اے این آئی کے مطابق تامل ناڈو میں گر کر تباہ ہونے والے فوجی ہیلی کاپٹر کی تحقیقات میں اہم پیش رفت سامنے آئی ہے۔
بھارتی میڈیا رپورٹس کے مطابق تباہ ہونے والے ہیلی کاپٹر کا فلائٹ ڈیٹا ریکارڈر اور کاک پٹ وائس ریکارڈر برآمد کر لیا گیا ہے۔
یاد رہے کہ گزشتہ روز تامل ناڈو میں بھارت کے پہلے چیف ڈیفنس آف اسٹاف جنرل بپن راوت ہیلی کاپٹر حادثے میں اہلیہ مدھولکا راوت اور دیگر 11 اہلکاروں سمیت ہلاک ہو گئے تھے جبکہ حادثے میں ایک شخص معجزانہ طور پر بچ گیا تھا جو شدید زخمی حالت میں اسپتال میں زیر علاج ہے۔
بھارتی فضائیہ نے ہیلی کاپٹر حادثے کی فوری تحقیقات شروع کرتے ہوئے جائے وقوعہ کو سیل کر دیا تھا جبکہ بھارتی وزیر داخلہ راج ناتھ سنگھ نے وزیراعظم نریندر مودی کو واقعے پر بریفنگ بھی دی تھی۔
مزید خبریں :
حزب اللہ کے راکٹ حملے میں اسرائیلی شہری ہلاک
4 گھنٹے پہلے
چچا کے تھپڑ مارنے پر 3 سالہ بھتیجی جان سے چلی گئی
5 گھنٹے پہلے
