دنیا
11 دسمبر ، 2021

بھارتی شہر گڑ گاؤں میں کھلی جگہوں پر نماز ادا کرنے پر پابندی عائد

بھارت میں مودی حکومت نے مسلم دشمنی کا ایک اور اقدام کرلیا۔

بھارتی ریاست ہریانا کے شہر گڑ گاؤں میں کھلی جگہوں پر نماز ادا کرنے پر پابندی عائد کردی گئی ہے اور اس حوالے سے ہریانا کے وزیراعلیٰ منوہر لعل کھتر کا کہنا تھا کہ کھلی جگہوں پر نماز کی ادائیگی برداشت نہیں کی جائے گی۔

ان کا کہنا تھاکہ مذہبی مقامات پر فرائض کی ادائیگی پر کوئی اعتراض نہیں لیکن مذہبی فرائض کی ادائیگی کیلئے کھلی جگہوں کا استعمال نا قابل قبول ہے، کھلی جگہوں پر نماز پڑھنے سے ہونے والی کشیدگی نہیں ہونی چاہیے۔

ریاستی وزیراعلیٰ کا کہنا تھاکہ نمازکی جگہوں پر نماز پڑھیں یا اپنے گھروں پر نمازپڑھیں، معاملے کا حل فریقین کی باہمی رضامندی سے جلد نکال لیں گے۔

خیال رہے کہ گڑگاؤں میں کئی ہفتوں سے نماز جمعہ کے اجتماعات منعقد کرنے پر ہندو مسلم کشیدگی جاری ہے۔

واضح رہے کہ بھارتی ریاست ہریانہ میں بھی بھارتیہ جنتا پارٹی کی ریاستی حکومت ہے اور وزیر اعلیٰ منوہر لعل کھتر کا تعلق بھی بی جے پی سے ہے۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM