13 دسمبر ، 2021 
اسپورٹس اینکر زینب عباس کے ہاں بیٹے کی پیدائش
13 دسمبر ، 2021
پاکستان کی معروف اسپورٹس اینکر زینب عباس کے ہاں بیٹے کی پیدائش ہوئی ہے۔
انٹرنیشنل کرکٹ کونسل (آئی سی سی) سمیت پی سی بی کے کئی کرکٹ ایونٹس کی میزبانی کرنے والی زینب عباس نومبر 2019 میں حمزہ کاردار سے رشتہ ازدواج میں منسلک ہوئی تھیں۔
زینب عباس نے گزشتہ روز انسٹاگرام پر اپنے بیٹے کی پیدائش کی اطلاع دی اور نوزائیدہ کے ہمراہ تصویر بھی شیئر کی۔
اینکر نے اپنی پوسٹ میں پرجوش انداز میں بیٹے کی ماں بننے کا اعلان کیا اور بتایا کہ ان کے ہاں ننھے مہمان کی آمد 7 دسمبر کو ہوئی ہے۔
زینب نے مزید بتایا کہ انہوں نے بیٹے کا نام 'تیمور حمزہ کاردار' رکھا ہے۔ انہوں نے اپنی پوسٹ پر تمام چاہنے والوں سے دعاؤں کی اپیل بھی کی ہے۔
اسپورٹس اینکر کی پوسٹ پر ملکی و غیر ملکی سلیبریٹیز مبارکباد پیش کر رہے ہیں اور ان کے لیے نیک خواہشات کا بھی اظہار کر رہے ہیں۔
واضح رہے کہ زینب عباس نے رواں برس ستمبر میں سوشل میڈیا اکاؤنٹس کے ذریعے اطلاع دی تھی کہ ان کے گھر جلد ہی ننھا مہمان آنے والا ہے۔
مزید خبریں :
مجھے میڈیم پیسر کیوں بولا؟ بمراہ رپورٹر کے سوال پر برا مان گئے
21 نومبر ، 2024
سابق ٹیسٹ کرکٹر نذیر جونیئر انتقال کرگئے
21 نومبر ، 2024
کیا فخر زمان کی ٹیم میں واپسی ہوگی؟ ہیڈ کوچ نے لب کشائی کردی
21 نومبر ، 2024
میسی کا 14 سال بعد بھارت میں فٹبال میچ کھیلنے کا امکان
20 نومبر ، 2024
