ویسٹ انڈیز کے مزید کھلاڑیوں میں کورونا کی تصدیق، دورہ پاکستان مکمل ہونا کھٹائی میں پڑ گیا

پاکستان میں موجود ویسٹ انڈیز کرکٹ اسکواڈ کے مزید 5 ارکان میں کورونا کی تصدیق ہو گئی جس کے بعد دورے کے مزید میچز کھٹائی میں پڑ گئے ہیں۔

ویسٹ انڈیز کرکٹ کے مطابق مزید 3 کھلاڑی اور 2 سپورٹ ارکان میں کورونا وائرس کی تصدیق ہوئی ہے۔

کورونا سے متاثر کرکٹرز میں شائے ہوپس، عقیل حسین اور جسٹن گریوز شامل ہیں، تینوں کرکٹرز باقی میچز نہیں کھیلیں گے اور کورونا پازیٹیو آنے والے پانچوں ارکان آئسولیشن میں ہیں۔

کراچی میں موجود ویسٹ انڈین اسکواڈ کے مزید ارکان کی کورونا رپورٹ مثبت آنے کا انکشاف

ویسٹ انڈین اخبار نے دعویٰ کیا ہے کہ تیسرے ٹی 20 سے قبل ویسٹ انڈیز ٹیم میں مزید مثبت کورونا کیس رپورٹ ہوئے ہیں

دورہ پاکستان پر آنے والے 6 کھلاڑی اب تک کورونا کی وجہ سے ٹور سے باہر ہو چکے ہیں جبکہ ڈیون تھامس انجری کا شکار ہیں، وہ پہلے ٹی ٹوئنٹی میں انجرڈ ہوئے تھے۔

کرکٹ ویسٹ انڈیز اور پی سی بی حکام آج تمام کھلاڑیوں کے ایک مرتبہ پھر کورونا ٹیسٹ کے بعد دورہ جاری رکھنے سے متعلق اجلاس میں فیصلہ کریں گے۔