دلچسپ و عجیب
16 دسمبر ، 2021

دلہن اسکوٹی پر دلہا کو پیچھے بٹھائے بارات لیکر سسرال پہنچ گئی

بھارت کی دلہنیں ماضی کی روایتوں کو توڑتے ہوئے شادی مقام تک مختلف انداز میں انٹری دینے لگی ہیں:فوٹو بشکریہ بھارتی میڈیا
بھارت کی دلہنیں ماضی کی روایتوں کو توڑتے ہوئے شادی مقام تک مختلف انداز میں انٹری دینے لگی ہیں:فوٹو بشکریہ بھارتی میڈیا 

بھارت میں آئے روز  شادی کی تقریبات میں نرالے واقعات سوشل میڈیا پر صارفین کی توجہ کا مرکز  بن جاتے ہیں۔

بھارت کی دلہنیں ماضی کی روایتوں کو توڑتے ہوئے شادی کے مقام تک مختلف انداز میں انٹری دینے لگی ہیں اور ایسے ہی واقعات میں ایک اضافہ بھارتی دلہنوں کی نت نئے انداز میں اپنی ہی بارات لے جانے کی منطق ہے۔

بھارتی میڈیا رپورٹس کے مطابق بھارت کے شہر فیروز آباد کے ایک گاؤں میں کاجل نامی دلہن اسکوٹی پر اپنی ہی بارات لے کر شادی کے مقام تک پہنچ گئی اور اسٹیج تک جانے کے لیے دلہا کو پیچھے بھی بٹھایا۔

اس واقعے کی سب سے حیران کن بات یہ ہے کہ دلہن کاجل کی بارات ان کے شوہر راہول نہیں لائے بلکہ کاجل خود اپنی بارات لے کر راہول کے گھر پہنچیں۔

اسکوٹی پر اپنی ہی بارات لے کر سسرال پہنچنے پر جہاں باراتیوں نے پھولوں سے دلہن کا استقبال کیا وہیں کچھ حیران وپریشان بھی نظر آئے۔

منفرد انٹری کے حوالے سے دلہن کاجل نے بھارتی میڈیا کو بتایا کہ ان کی نظرمیں مرد اور عورت یکساں اہمیت کے حامل ہیں، یہی وجہ ہے کہ اپنی شادی کو منفرد بنانے کے لیے مختلف انٹری دی۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM