18 دسمبر ، 2021 
تمام بجلی منصوبے پالیسی کے مطابق نیپرا کی منظوری سے لگے: معاون خصوصی برائے سی پیک
18 دسمبر ، 2021
وزیراعظم کے معاون خصوصی برائے سی پیک خالد منصور کا کہنا ہے کہ پاکستان میں ضرورت سے زیادہ بجلی نہیں پیدا کی گئی۔
جیو نیوز کے پروگرام آج شاہ زیب خانزادہ کے ساتھ میں گفتگو کرتے ہوئے خالد منصور کا کہنا تھا بجلی کی کمی کو پورا کرنے کے لیے کم از کم 30 سے 35 فیصد تک اضافی بجلی ہونی چاہیے لیکن پاکستان کو انڈسٹرئیل ملک بنانے کا سوچ کر بجلی کی پیداوار بڑھائی گئی۔
لیکن اس سے قبل وفاقی وزیر اطلاعات فواد چوہدری نے کہا تھا کہ پچھلے دور میں ضرورت سے زیادہ بجلی بنا دی گئی تھی۔
وزیراعظم کے معاون خصوصی نے کہا ہے کہ تمام بجلی منصوبے پالیسی کے مطابق اور نیپرا کی منظوری سے لگے، جب کرپشن کے الزام لگائے گئے تو چین کی طرف سے میٹنگز میں یہ کہا جاتا تھا کہ ایسے الزامات کیوں لگائے جاتے ہیں۔
اس سے پہلے وفاقی وزیر مراد سعید نے الزام لگایا تھا کہ سی پیک منصوبوں میں کرپشن کی گئی لیکن سابق وزیر داخلہ احسن اقبال اس کی تردید کر چکے ہیں۔
مزید خبریں :
خیبر پختونخوا حکومت کا صوبے میں 3 روز ہ سوگ کا اعلان
2 گھنٹے پہلے
ایمنڈ کی صحافی مطیع اللہ جان کی گرفتاری کی مذمت
8 گھنٹے پہلے
