20 دسمبر ، 2021 
برطانیہ میں اومی کرون کا پھیلاؤ، سول ایوی ایشن کو نئی ہدایات جاری
20 دسمبر ، 2021
برطانیہ میں کورونا کے اومی کرون ویرینٹ کے پھیلاؤ کے پیش نظر برطانیہ سے پاکستان آنے والی پروازوں پر چیکنگ مزید سخت کرنے کی ہدایت کردی گئی۔
سول ایوی ایشن حکام کا کہنا ہےکہ سی اے اے کو برطانیہ سے پاکستان آنے والی پروازوں سے متعلق نئی ہدایات موصول ہوئی ہیں جس میں برطانیہ سے پاکستان آنے والی پروازوں کے تمام مسافروں کے ائیر پورٹس پر ریپڈ انٹیجن ٹیسٹ لازمی قرار دیے گئے ہیں۔
حکام کے مطابق ہدایات میں کہا گیا ہےکہ برطانیہ سے پاکستان آنے والی پروازوں کو ایڈجسٹ کیا جائے تاکہ ائیر پورٹس پر تمام مسافروں کے ریپڈ انٹیجن ٹیسٹ مکمل کرلیے جائیں، برطانیہ سے پاکستان آنے والے مسافروں کا پرواز سے 48 گھنٹے قبل کورونا پی سی آر ٹیسٹ لازمی ہوگا۔
سی اے اے حکام کا کہنا ہے کہ اقدامات برطانیہ میں کورونا کے اومی کرون ویرینٹ کے کیسز کے باعث کیے جارہے ہیں۔
