گورنرسندھ کا ایک بار پھرسندھ لوکل گورنمنٹ ترمیمی بل پر دستخط نہ کرنے کا فیصلہ

گورنرسندھ عمران اسماعیل نے ایک بار پھرسندھ لوکل گورنمنٹ ترمیمی بل پر دستخط نہ کرنے کا فیصلہ کیا ہے۔

ذرائع کے مطابق گورنر سندھ نےاس سے قبل  بل پر ڈی ایم سیز ختم کرنے، ٹاؤنزبنانے، خفیہ رائےشماری، غیرمنقولہ املاک پر پراپرٹی ٹیکس نہ ملنے سمیت 10 اعتراضات اٹھائے تھے۔ 

ذرائع کا کہنا ہے کہ  ترمیمی بل میں گورنر سندھ کے صرف خفیہ رائے شماری کے اعتراض کو دور کیا گیا تھا اور بل ترمیم کے بعد 14دسمبر کو گورنر سندھ کو دستخط کے لیے موصول ہوا تھا۔

 قانون کے مطابق گورنر سندھ اگر بل پر دوسری بار بھی دستخط نہ کریں تو بل 12 دن بعد خود نافذعمل ہوجائے گا۔