21 دسمبر ، 2021 
برطانیہ میں کورونا کیسز میں مسلسل اضافہ، مزید پابندیاں لگنے کا خدشہ
21 دسمبر ، 2021
برطانیہ میں کورونا کے 24 گھنٹوں میں مزید 91 ہزار سے زائد کیسز رپورٹ ہوئے جبکہ 44 افراد ہلاک بھی ہوگئے۔
غیر ملکی میڈیا رپورٹس کے مطابق برطانیہ میں کورونا کے وار مسلسل جاری ہیں، گزشتہ 24 گھنٹوں کے دوران مزید 91 ہزار 743 کیسز رپورٹ ہوئے جبکہ اومی کرون کیسز کی مجموعی تعداد 45 ہزار 145 ہوگئی۔
برطانوی وزیراعظم بورس جانسن کا کہنا ہے کہ اومی کرون کےسبب انتہائی مشکل صورت حال کا سامنا ہے،کسی بھی پابندی کو رد نہیں کیاجاسکتا۔
انہوں نے کہا کہ ضرورت پڑی توعوام کےتحفظ کیلئےمزید پابندیاں لگاسکتےہیں۔
برطانوی وزیر اعظم نے عوام سے درخواست کی کہ وہ جلد از جلد کورونا ویکسین کی بوسٹر ڈوز لگوائیں ۔
واضح رہے کہ انگلینڈ میں 12 سے15 برس کےبچے کو ویکسین کی دوسری ڈوز لگوانے کے لیے اہل قرار دے دیا ہے۔
دوسری جانب رپورٹس ہیں کہ ملکہ برطانیہ کرسمس ونڈ سرکاسل میں ہی گزاریں گی۔
یاد رہے کہ وبا کے باعث گزشتہ ہفتہ ملکہ نے کرسمس سے قبل خاندان کےاعزاز میں روایتی لنچ بھی منسوخ کردیا تھا۔
مزید خبریں :
حزب اللہ کے راکٹ حملے میں اسرائیلی شہری ہلاک
9 گھنٹے پہلے
چچا کے تھپڑ مارنے پر 3 سالہ بھتیجی جان سے چلی گئی
9 گھنٹے پہلے
