21 دسمبر ، 2021 
جیا بچن رکن پارلیمنٹ کی جانب سے ذاتی حملے کرنے پر برس پڑیں
21 دسمبر ، 2021
بالی وڈ اداکارہ اور سماج وادی پارٹی کی رکن پارلیمنٹ جیا بچن ساتھی رکن کی جانب سے ذاتی حملےکرنے پر آپے سے باہر ہوگئیں۔
بھارتی میڈیا کے مطابق پیر کو راجیہ سبھا(پارلیمنٹ ) میں بھوبا نیسور کلیتا کی صدارت میں اجلاس منعقد ہواجس میں نارکوٹک ڈرگس اینڈ سائیکو ٹراپک سبسٹینسس ترمیمی بل 2021 پر بحث کی گئی۔
میڈیا رپورٹس کے مطابق بحث کے دوران ساتھی رکن نے جیا بچن پر مبینہ ذاتی تبصرہ کیا جس پر وہ غصے میں آگئیں۔
رپورٹس کے مطابق جیا بچن نے اجلاس کی صدارت کرنے والے بھوبا نیسور کو اپوزیشن کی بات نہ سننے پر تنقید کا نشانہ بناتے ہوئے کہا کہ وہ غیر جانبدار رہیں اور کسی پارٹی کا ساتھ نہ دیں۔
جیا نےبھوبا نیسور سے درخواست کی کہ' وہ اس تبصرے پر ایکشن لیں جو ساتھی رکن نے میرے اور میرے کیریئر پر کیا' ۔
جس پر بھوبا نیسور نے جیا پر زور دیا کہ وہ زیر بحث بل پر بات کریں اس کے علاوہ انہوں نے اعلان کیا کہ اجلاس کے دوران غیر مناسب ریمارکس کو ریکارڈ سے ہٹادیا جائے گا۔
بھارتی میڈیا کے مطابق اجلاس کے بعد جیا بچن نے کہا کہ وہ کسی پر کوئی ذاتی تبصرہ نہیں کرنا چاہتیں لیکن جو ہوا وہ انتہائی افسوسناک تھا۔
مزید خبریں :
امریکی اداکار جان کراسنسکی سال 2024 کے پرکشش مرد قرار
13 نومبر ، 2024
امیتابھ بچن کا نمرت کور کو لکھا گیا خط وائرل، خط میں کیا لکھا؟
13 نومبر ، 2024
سلمان خان کو دھمکی دے کر 5 کروڑ مانگنے والا نغمہ نگار گرفتار
13 نومبر ، 2024
