22 دسمبر ، 2021 
پاکستان
چین نے ہر مشکل وقت میں پاکستان کا ساتھ دیا ہے: معاون خصوصی برائے سی پیک خالد منصور۔ فوٹو: فائل
سی پیک کے تحت 12 ارب ڈالر کے منصوبے تکمیل کے قریب ہیں: معاون خصوصی برائے سی پیک
22 دسمبر ، 2021
وزیراعظم کے معاون خصوصی برائے سی پیک خالد منصور نے کہا ہے کہ سی پیک کے تحت 12 ارب ڈالر کی سرمایہ کاری کے منصوبے تکمیل کے قریب ہیں۔
لاہور میں بورڈ آف انویسٹمنٹ کے زیر اہتمام سی پیک انڈسٹریل کانفرنس سے خطاب کرتے ہوئے خالد منصور کا کہنا تھا کہ چین نے ٹیکسٹائل اور پاور سمیت مختلف شعبوں میں سرمایہ کاری کی ہے۔
خالد منصور کا کہنا تھا کہ چین نے ہر مشکل وقت میں پاکستان کا ساتھ دیا ہے، سی پیک کے تحت سرمایہ کاری پر چین کے مشکور ہیں۔
چین میں پاکستان کے سفیر معین الحق نے بھی ویڈیو لنک کے ذریعے خطاب کیا جس میں ان کا کہنا تھا کہ سی پیک کے تحت پاکستان میں معاشی انقلاب آئے گا۔
کانفرنس میں وزیر مملکت اظفر حسین اور صوبائی وزیر میاں اسلم اقبال نے بھی شرکت کی۔
