فخر زمان کی گراؤنڈ میں اسٹاف کیساتھ کھانا کھانےکی ویڈیو وائرل

قومی کرکٹر  فخر  زمان کی گراؤنڈ اسٹاف کے ساتھ کھانا کھانے کی ویڈیو  وائرل ہو گئی۔

ٹوئٹر پر نجی میڈیا ہاؤس کے صحافی کی جانب سے ایک ویڈیو شیئر کی گئی ہے جس میں قومی کھلاڑی کو قائد اعظم ٹرافی کے فائنل میں گراؤنڈ اسٹاف کے ساتھ زمین پر  بیٹھے کھانا کھاتے دیکھا جا سکتا ہے۔

ٹوئٹ میں کیپشن دیا گیا کہ  کھانے کے وقفے کے دوران کرکٹر فخر زمان گراؤنڈ اسٹاف کے پاس پہنچ گئے اور میدان میں ہی گراؤنڈ اسٹاف کے ساتھ کھانا کھایا۔

قائداعظم ٹرافی خیبرپختونخوا نے مسلسل دوسری بار جیت لی

فائنل میں ناردرن 384 رنز کے تعاقب میں 214 رنز بنا کر آؤٹ ہوگئی، فائنل کے مین آف دی میچ افتخار احمد رہے جبکہ مبصر خان کو ٹورنامنٹ کا بہترین کھلاڑی قرار دیا گیا

سوشل میڈیا پر فخر زمان کی ویڈیو وائرل ہوتے ہی انھیں صارفین کی جانب سے ہیرو قرار دیتے ہوئے سراہا جارہا ہے۔

لاہور قلندرز کے چیف آپریٹنگ آفیسر اور ٹیم منیجر ثمین رانا نے اس ویڈیو پر تبصرہ کرتے ہوئے فخر زمان کو حقیقی قلندر قرار دیا۔

خیال رہے کہ گزشتہ روز پاکستان کے سب سے بڑے ڈومیسٹک کرکٹ ٹورنامنٹ قائد اعظم ٹرافی کے فائنل میں خیبر پختونخوا نے ناردرن کو 169 رنز سے ہرا کر مسلسل دوسری بار ٹرافی جیت لی  تھی۔