01 جنوری ، 2022 
پاکستان
حکومت غریب پر ٹیکس لگاکر الزام آئی ایم ایف پر لگارہی ہے: مفتاح اسماعیل
01 جنوری ، 2022
کراچی: سابق وزیر خزانہ مفتاح اسماعیل کا کہنا ہے کہ منی بحٹ روکنے کے لیے حکومتی اتحادیوں سے جلد رابطے کریں گے۔
جیو نیوز کے پروگرام آج شاہ زیب خانزادہ کے ساتھ میں گفتگو کرتے ہوئے مفتاح اسماعیل نے کہا کہ اتحادیوں کو سوچنا چاہیے کہ وہ اس بجٹ کا وزن اٹھاسکیں گے یا نہیں، بجٹ پر بجث میں پہلی تقریر شہبازشریف کریں گے۔
انہوں نے کہا کہ یہ کیسا آئی ایم ایف ہے جو بچوں کے دودھ پر ٹیکس لگانے کا کہتا ہے مگر رئیل اسٹیٹ کو حکومت سے دو سال کی ایمنسٹی دلوا دیتا ہے۔
سابق وزیر خزانہ نے مزید کہا کہ یہ حکومت غریب آدمی پر ٹیکس لگارہی ہے اور اپنی اے ٹی ایمز کو اربوں روپے کا ریلیف دے رہی ہے، اوپر سے الزام آئی ایم ایف پر لگارہی ہے۔
