10 جنوری ، 2022 
کورونا سے متاثر بیٹے کو کو کار کی ڈِگی میں بند کرکے لے جانیوالی ماں گرفتار
10 جنوری ، 2022
امریکی خاتون ٹیچرکو مبینہ طور پر کورونا سے متاثر بیٹے کو ٹیسٹنگ سینٹر لے جانے کیلئے کار کی ڈِگی میں بند کرنے کی وجہ سے گرفتار کرلیا گیا۔
برطانوی نشریاتی ادارے (بی بی سی) کے مطابق یہ واقعہ 3 جنوری کو امریکی ریاست ٹیکساس کے شہر ہیوسٹن میں پیش آیا جہاں 41 سالہ سارہ بیم اپنے 13 سالہ بیٹےکو جو پہلے ہی کورونا کا شکار تھا اسے کار کے ذریعے دوبارہ تصدیق کیلئے کووڈ ٹیسٹنگ سینٹر لے جا رہی تھیں۔
اطلاعات کے مطابق ٹیسٹنگ سینٹر کے ایک اہلکار نے کار کی ڈِگی سے ایک بچے کی آواز سنی جس پر خاتون کو ڈِگی کھولنے کا کہا گیا اور جیسے ہی کار کی ڈِگی کھولی گئی تو اس میں ایک لڑکا موجود تھا۔
مقامی میڈیا کے مطابق خاتون کا کہنا تھا کہ اس کے بیٹے کا کووڈ ٹیسٹ مثبت آیا تھا اس لیے خود کو وائرس سے بچانے کیلئے ٹیسٹنگ سینٹر پہنچنے تک میں نے اسے کار کی ڈِگی میں بند کردیا تھا۔
رپورٹس کے مطابق قانون نافذ کرنے والے اداروں نے مکمل تفتیش کی، جس کے نتیجے میں خاتون کو بچے کو خطرے میں ڈالنے کے الزام میں گرفتار کرلیا گیا ہے۔
مزید خبریں :
ڈونلڈ ٹرمپ نے اسکاٹ بیسنٹ کو وزیر خزانہ نامزد کردیا
23 نومبر ، 2024
غزہ پر اسرائیلی بمباری سے مزید 38 فلسطینی شہید
23 نومبر ، 2024
