10 جنوری ، 2022 
وزیراعظم کہتے ہیں مری میں انتظامیہ تیار نہ تھی، پھر آپ کس مرض کی دوا ہیں؟ شہباز
10 جنوری ، 2022
اپوزيشن لیڈر شہباز شریف نے کہا ہے کہ وزیراعظم کہتے ہیں مری میں انتظامیہ تیار نہ تھی، اگر انتظامیہ تیار نہ تھی تو آپ کس مرض کی دوا ہیں؟
قومی اسمبلی سے اپنے خطاب میں شہباز شریف نے کہا کہ یہ اپنے وقت کے نیرو ہیں، عوام مر رہے ہیں اور یہ چین کی بانسری بجا رہے ہیں۔
ن لیگ کے صدر نے سانحہ مری کی تحقیقات کیلئے جوڈیشل کمیشن بنانے کا مطالبہ بھی کیا اور سوال اٹھایا کہ سانحہ مری قدرتی طور پر حادثہ تھا یا قتل یہ پتہ لگایا جائے۔
شہباز شریف کے ردعمل میں خطاب کرتے ہوئے فواد چوہدری نے کہا کہ ‘آج کے دور کا پابلو ایسکو بار بتارہا ہےکہ نیرو سو رہا تھا۔‘
ان کا مزید کہنا تھا کہ30 ، 30 سال حکومت کرنے والے آج پوچھ رہے ہیں کہ انتظامات کیوں نہیں کیے؟ یہاں تو آوے کا آوا ہی بگڑا ہوا تھا، ہر چیز نئے سرے سے بنانی پڑ رہی ہے۔
