ویڈیو: احسن اقبال نے اسپیکر قومی اسمبلی کے سامنے ہاتھ کیوں جوڑے؟

اسلام آباد: اسٹیٹ بینک ترمیمی بل پیش کیے جانے  پر (ن) لیگ کے رہنما احسن اقبال نے اسپیکر قومی اسمبلی اسد قیصر کے سامنے  ہاتھ جوڑ لیے۔ 

احسن اقبال نے کہا کہ اسٹیٹ بینک کا افتتاح قائداعظم  محمد علی جناح نے کیا تھا اس لیے ہاتھ جوڑتا ہوں اس سے متعلق قانون سازی کے لیے قواعد کو معطل نہ کیا جائے۔

احسن اقبال کے ہاتھ جوڑنے کے باوجود اسپیکر اسد قیصر  نے درخواست منظور نہ کی  اور  بل منظوری کے لیے پیش کردیا۔

حکومت پھر کامیاب، اپوزیشن ناکام، مِنی بجٹ قومی اسمبلی سے پاس ہوگیا

بیکری آئٹمز، لیپ ٹاپ، سولر پینلز پر ٹیکس چھوٹ برقرار، 500 روپے سے زیادہ مالیت کے فارمولا دودھ، درآمدی و مقامی طور پر تیار کردہ گاڑیوں پر ٹیکس لگے گا، لال مرچ اور آئیوڈین ملے نمک پر سیلز ٹیکس ختم

خیال رہے کہ گزشتہ روز  قومی اسمبلی نے اسٹیٹ بینک ترمیمی بل بھی کثرت رائے سے منظور کرلیا اپوزیشن  نے اس بل کی منظوری پر شدید احتجاج کیا، اپوزیشن نے احتجاج کرتے ہوئے بلوں کی کاپیاں پھاڑ کر ایوان میں اچھال دیں۔