پاکستان
14 جنوری ، 2022

بااثر قیدیوں کو اسپتالوں میں رکھنے کا معاملہ، کراچی سینٹرل جیل کے سپرنٹنڈنٹ معطل

بااثر قیدیوں کو جیلوں کے بجائے اسپتالوں میں رکھنے کی تفتیش میں پیشرفت ہوئی ہے اور سینٹرل جیل کراچی کے سپرنٹنڈنٹ حسن سہتو کو معطل کر دیا گیا۔

وزیراعلیٰ سندھ کے مشیر برائے جیل خانہ جات اعجاز جاکھرانی نے جیو نیوز سے فون پر گفتگو پرکہا کہ قیدیوں کی اسپتالوں میں منتقلی کے معاملے کی تحقیقات جاری ہیں۔

انہوں نے بتایا کہ سینٹرل جیل کے سپرنٹنڈنٹ کو معطل کر دیا گیا ہے اور انہیں محکمہ داخلہ رپورٹ کرنے کی ہدایت کی گئی ہے۔

انہوں نے کہا کہ معطلی کا مقصد تحقیقات کو شفاف بنانا ہے، قیدیوں کی اسپتال منتقلی کے معاملے پر شفاف تحقیقات کو یقینی بنایا جائے گا جو بھی کسی غیر قانونی عمل میں ملوث ہوا اس کے خلاف کارروائی ہوگی۔

خیال رہے کہ گزشتہ دنوں جیو نیوز نے شاہ زیب قتل کیس کے مجرم شاہ رخ جتوئی کے جیل کے بجائے اسپتال میں رہنے کا بھانڈا پھوڑا تھا جس کے بعد سزا یافتہ مجرموں کی ایک فہرست نکلتی چلی گئی اور پھر انہیں بھی اسپتالوں سے جیل واپس منتقل کیا گیا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM