'بگ باس' میں جانبداری کے الزام پر سلمان خان اداکارہ پر برس پڑے

بھارتی ریئلٹی شو ’بگ باس‘ کے سیزن 15 میں شو کے میزبان سلمان خان مقابلے میں شریک بھارتی اداکارہ تیجسوی پرکاش پر برہم ہوگئے۔

 بگ باس سیزن 15کی آنے والی قسط کے پرومو میں دیکھا جاسکتا ہےکہ  سلمان خان  مقابلے میں شریک بھارتی ٹیلی ویژن اداکارہ تیجسوی پرکاش پر برس پڑے۔

ویڈیو: سلمان خان بگ باس کے سیٹ پر غصے میں آگئے

بھارتی ٹی وی پر بگ باس کا ایک پرومو جاری کیا گیا ہے جس میں سلمان خان کو کنٹیسٹنٹ پر بھڑکتے دیکھا جاسکتا ہے۔

سلمان خان  بگ باس نشر کرنے والے چینل اور دوسرے اداکاروں پر الزامات لگانے پر غصہ ہوگئے۔

چینل پر بگ باس میں شریک اداکارہ شمیتا شیٹھی کے لیے جانبداری برتنےکے الزامات پر سلمان خان کا کہنا تھا کہ  جس تھالی میں کھایا جارہا ہے اس میں کوئی چھید کرتا ہے؟ تمھیں ہمدردی کارڈ کھیلنا بند کرنا چاہیے۔

 اس پر تیجسوی کا کہنا تھا کہ وہ ہمدردی کارڈ نہیں کھیلنا چاہ رہیں، جس پر سلمان نے انہیں شٹ اپ کہتے ہوئےکہا کہ  آپ تو اپنے بوائے فرینڈ کرن کندرا کی بھی قدر نہیں کرتیں، آپ کو ہمیشہ یہ شکایت رہتی ہےکہ پوری دنیا آپ کے خلاف ہے۔