17 جنوری ، 2022 
صبور میری شادی اپنی کسی دوست سے کرانا چاہتی تھی: علی انصاری
17 جنوری ، 2022
پاکستانی اداکار علی انصاری نے اہلیہ صبور علی سے متعلق دلچسپ گفتگو کی۔
علی انصاری حال ہی میں اپنی بہن مریم انصاری کے ہمراہ نجی ٹی وی کے ایک پروگرام میں شریک ہوئے اور دوران شو اہلیہ صبور علی کے حوالے سے گفتگو کی۔
علی انصاری نے کہا کہ میں نے صبور کے ساتھ ایک پراجیکٹ میں کام کیا تھا لیکن ہم نے شادی کے حوالے کبھی ایسا نہیں سوچا تھا اور صبور اس دوران مجھے اپنی دوست کے ساتھ سیٹ کرنے کی کوشش کرتی تھی، مجھ سے کہا کرتی تھی کہ میں اس کی دوست کے ساتھ سین آن کرلوں۔
اداکار نے کہا کہ صبور مجھے اپنی کئی دوستوں کو مینشن کرکے کہتی کہ میں ان سے شادی کرلوں تاہم اداکار نے اپنی گفتگو میں ان دوستوں کا نام لینے سے گریز کیا۔
اس دوران مریم نے بھی دلچسپ گفتگو کرتے ہوئے کہا کہ جب صبور ایسا کہتی تھی تو اس کے فوراً بعد ہی اس دوست کی شادی ہوجاتی تھی۔
مزید خبریں :
سدھو نے کپل شرما شو چھوڑنے کی اصل وجہ 5 سال بعد بتادی
15 نومبر ، 2024
