20 جنوری ، 2022 
پاکستان
پشاور ٹیچرز ایسوسی ایشن کے صدر جمیل چترالی نے ویڈیو سوشل میڈيا پر شيئر کی اور کہا کہ یونیورسٹی ملازمین دفتری اوقات میں ڈائریکٹر فنانس کے نجی گھر میں کام کررہے تھے— فوٹو: فائل
جامعہ پشاور کے سرکاری ملازمین سے ڈائریکٹر فنانس کے گھر مزدوری لیے جانے کا انکشاف
20 جنوری ، 2022
جامعہ پشاور کے سرکاری ملازمین سے ڈائریکٹر فنانس کے گھر مزدوری لیے جانے کا انکشاف ہوا ہے۔
پشاور ٹیچرز ایسوسی ایشن کے صدر جمیل چترالی نے ویڈیو سوشل میڈيا پر شيئر کی اور کہا کہ یونیورسٹی ملازمین دفتری اوقات میں ڈائریکٹر فنانس کے نجی گھر میں کام کررہے تھے۔
اس حوالے سے جامعہ کی ڈائریکٹر فنانس عائشہ سلمان نے کہا کہ گھر کے اندر کی ویڈيو بناکر ڈاکٹرجمیل چترالی نے گھر کی چار دیواری کو پامال کیا ہے، ان کےخلاف درخواست دے دی ہے، یونیورسٹی ملازمین نے اتوار کے روز گھر پر کام کیا تھا۔
ادھر گورنر خیبر پختونخوا نے انکوائری کاحکم جاری کردیا ہے اور دو ہفتوں میں رپورٹ طلب کرلی ہے۔
