21 جنوری ، 2022 
پی ایس ایل: جس ہوٹل میں بائيو سکیور ببل بنایا گیا اسی ہوٹل کے 40 ملازمین کورونا میں مبتلا
21 جنوری ، 2022
پاکستان سپر لیگ (پی ایس ایل) کے ساتویں ایڈیشن پر کورونا کے حملے جاری ہیں جبکہ پاکستان کرکٹ بورڈ کے چیف آپریٹنگ آفیسر (سی او او) سلمان نصیر نے دعویٰ کیاہے کہ جمعرات کو ٹورنامنٹ پروگرام کے مطابق شروع ہوگا۔
سلمان نصیر کا کہنا تھاکہ تمام غیر ملکی پاکستان آرہے ہیں اور تمام غیر ملکی لاہور بم دھماکے کے بعد لاہور جانے کو تیار ہیں۔
انہوں نے کہا کہ جمعرات کو ٹورنامنٹ پروگرام کے مطابق شروع ہوگا اور عاطف اسلم مختصر تقریب میں پرفارم کریں گے۔
سلمان نصیر نے انکشاف کیا کہ کراچی میں پری ٹیسٹنگ میں دو کھلاڑی اور دو ٹیم آفیشلز میں کورونا کی تشخیص ہوئی ہے جبکہ ہوٹل کے عملے کے 40 ملازمین بھی کورونا کا شکار ہوگئے جس کے بعد عملے کو آئسولیٹ کردیا گیا ہے۔
انہوں نے کہا کہ کورونا ایس او پیز کی خلاف ورزی پر بڑا کھلاڑی بھی سزا سے نہیں بچ سکے گا۔
دوسری جانب ذرائع کا کہنا ہے کہ نیشنل اسٹیڈیم کے مزید 8 ملازمین کا کورونا ٹیسٹ مثبت آگیا ہے جس کے بعد سکیورٹی آفیسر سمیت 17 ملازمین کورونا میں مبتلا ہیں۔
مزید خبریں :
چیمپئنز ٹرافی 2025: ایونٹ کی ٹرافی پاکستان پہنچ گئی
12 گھنٹے پہلے
