پاکستان
22 جنوری ، 2022

کراچی: شوہر کو قتل کرکے لاش کے ٹکڑے کرنے کا کیس، خاتون نے اعتراف جرم کرلیا

کراچی کی مقامی عدالت میں صدرکے علاقے میں شوہرکی لاش کے ٹکڑےکرنے والی خاتون کے خلاف کیس کی سماعت ہوئی: ویڈیو اسکرین گریب
کراچی کی مقامی عدالت میں صدرکے علاقے میں شوہرکی لاش کے ٹکڑےکرنے والی خاتون کے خلاف کیس کی سماعت ہوئی: ویڈیو اسکرین گریب

کراچی کے علاقے صدر میں قتل کی لرزہ خیز واردات میں خاتون نے شوہر کو قتل کرکے لاش کے ٹکڑے کرنے کا اعتراف کرلیا۔

کراچی کی مقامی عدالت میں صدرکے علاقے میں شوہرکی لاش کے ٹکڑےکرنے والی خاتون کے خلاف کیس کی سماعت ہوئی جس میں  تفتیشی افسر نے حتمی چالان جمع کرانے کیلئے مہلت طلب کرلی۔

تفتیشی افسر نے عدالت کو بتایاکہ کیس میں شامل عینی شاہدین کو تلاش کرنا ہے جب کہ ملزمہ نے اپنے شوہر کو بے دردی سے قتل کرنے کا انکشاف کیا ہے۔

 تفتیشی افسر کے مطابق ملزمہ کی 8 سالہ اور 13 سالہ بیٹی عینی شاہدین ہیں اور دونوں ہی تاحال غائب ہیں جنہیں تلاش کرنا ہے،  ملزمہ کی بڑی بیٹی آرزو اور سابق شوہر پطرس کی تلاش بھی جاری ہے۔ْ

پولیس نے بتایا کہ ملزمہ نے 10 دسمبر 2021 کو اپنے شوہر کو قتل کیا اور کیس میں مرکزی ملزمہ عدالتی ریمانڈ پر جیل میں ہے۔

عدالت نے تفتیشی افسر کی درخواست پر 31 جنوری تک کیس کا حتمی چالان جمع کرانے کا حکم دیا۔

مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM