انٹرٹینمنٹ
22 جنوری ، 2022

ہالی وڈ اداکار آرنلڈ شوازنیگر کی گاڑی کو حادثہ

فوٹو:@VollmayerOnFire
فوٹو:@VollmayerOnFire

 ہالی وڈ کے معروف اداکار  آرنلڈ شوازنیگر کی گاڑی کو  خطرناک حادثہ پیش آیا ہے۔

 برطانوی نشریاتی ادارے کے مطابق امریکی ریاست کیلی فورنیا کے سابق گورنر اور ہالی وڈ اداکار  آرنلڈ شوازنیگر کے ترجمان نےکار حادثے کی تصدیق کی ہے۔

رپورٹ کے مطابق یہ حادثہ لاس اینجلس میں پیش آیا جس میں آرنلڈ کی گاڑی دیگر گاڑیوں پر چڑھ گئی۔ گذشتہ روز پیش آنے والے حادثے میں 4 گاڑیاں متاثر ہوئیں جن میں ایک شخص زخمی ہے جب کہ اداکار محفوظ رہے ہیں۔

حادثے کی اطلاع ملتے ہی پولیس اور ریسکیو ٹیمیں موقع پر پہنچیں اور حادثے کے زخمی کو اسپتال منتقل کیا، زخمی کی حالت خطرے سے باہر بتائی گئی ہے۔

فوٹو:@VollmayerOnFire
فوٹو:@VollmayerOnFire

امریکی ذرائع ابلاغ اور سوشل میڈیا میں سامنے آنے والی تصاویر میں دیکھا جاسکتا ہےکہ ایک بڑی ایس یو وی گاڑی دو گاڑیوں کے اوپر چڑھی ہوئی ہے، مزید تصاویر میں آرنلڈ کو گاڑی سے اتر کر  دیگر متاثرہ افراد سے بات کرتے دیکھا جاسکتا ہے۔

پولیس کا کہنا ہےکہ حادثے کے حوالے سے کوئی گرفتاری عمل میں نہیں آئی ، پولیس نے واقعے میں منشیات اور شراب شامل ہونےکو خارج از امکان قرار دیا ہے تاہم حادثے کی تحقیقات کی جارہی ہیں۔

آرنلڈ کے ترجمان نے امریکی اخبار کو بتایا ہےکہ جب حادثہ پیش آیا اس وقت وہ ایس یو وی کار چلارہے تھے، آرنلڈ  بالکل ٹھیک ہیں اور حادثے کے بعد انہوں نے ریسکیو ادارے کو کال کی اور زخمی سے بات چیت بھی کی۔


مزید خبریں :

Notification Management


پاکستان
دنیا
کاروبار
کھیل
انٹرٹینمنٹ
صحت و سائنس
دلچسپ و عجیب

ڈیسک ٹاپ نوٹیفکیشن کے لیے سبسکرائب کریں
Powered by IMM