روس کے حملے کا خطرہ، امریکا نے یوکرین سے سفارتی عملے کو واپس بلا لیا

امریکا نے یوکرین کے دارالحکومت کیف سے اپنے غیر ضروری سفارتی عملے اور اہل خانہ کو  وطن واپس آنے کا حکم دے دیا ہے۔

امریکی محکمہ خارجہ کے مطابق سفارتی عملے کو واپس بلانے کا فیصلہ روس کی جانب سے یوکرین پر مسلسل حملے کی دھمکیوں کے بعد کیاگیا۔

خیال رہے کہ اس سے  قبل امریکی صدر جوبائیڈن نے روس کو یوکرین پر حملے کے حوالے سے سخت تنبیہہ بھی جاری کی تھی۔

بطور امریکی صدر وائٹ ہاؤس میں ایک سال مکمل ہونے پر جوبائیڈن نے کچھ روز قبل پریس کانفرنس کرتے ہوئے کہا تھا  کہ یوکرین میں روسی فوج کا کسی بھی قسم کا داخلہ حملہ سمجھا جائے گا اور اس طرح کے حملے کا ردعمل شدید، مربوط اور اقتصادی ہوگا۔

امریکی صدر کا مزید کہنا تھا کہ روسی صدر  پیوٹن نے یوکرین میں فوجی مداخلت کا انتخاب کیا تو روس کو اس کی بھاری قیمت چکانا پڑےگی۔

’یوکرین میں روسی فوج کا کسی بھی قسم کا داخلہ حملہ سمجھا جائے گا‘

پیوٹن نے یوکرین میں فوجی مداخلت کا انتخاب کیا تو روس کوبھاری قیمت چکانا پڑےگی: امریکی صدر جوبائیڈن

یوکرین کشیدگی: امریکی و روسی صدور کی ایک دوسرے کو دھمکیاں

روس اور یوکرین کے درمیان کشیدگی کے معاملے پر صدر جو بائیڈن اور روسی صدر ولادمیر پیوٹن کے درمیان ٹیلی فونک رابطہ ہوا