24 جنوری ، 2022 
پولینڈکی سرکاری ائیرلائن کی 2 پروازوں کو فضا میں بیک وقت ہنگامی صورتحال کا سامنا
24 جنوری ، 2022
جرمنی کی فضائی حدود میں سفر کے دوران پولینڈ کی سرکاری ائیرلائن کی دو مختلف پروازوں کو ایک ہی وقت میں ہنگامی صورت حال کا سامنا کرنا پڑگیا۔
ایوی ایشن ذرائع کے مطابق ایل او ٹی پولش ائیر کی وارسا ائیرپورٹ سے بیلجیئم کے دارالحکومت برسلز کے لیے اڑان بھرنے والی پرواز ایل او 233 جرمنی کی فضائی حدود میں پہنچی تو مقامی وقت کے مطابق 6 بج کر 36 منٹ پر طیارے سے ہنگامی صورت حال کے سگنل موصول ہوئے۔
اس طیارے کو بعد ازاں جرمنی کے ڈسلڈورف ائیر پورٹ پر ہنگامی لینڈنگ کرائی گئی۔
وارسا سے پیرس جانے والی اسی ائیر لائن کی دوسری پرواز ایل او 335 بھی جرمنی کی فضائی حدود میں فرینکفرٹ کے آس پاس پرواز کر رہی تھی کہ راڈار کو مقامی وقت کے مطابق شام 6:43 بجے ہنگامی صورت حال کی اطلاع دی گئی، یہ طیارہ بھی سگنل ملنے کے 45 منٹ بعد منزل پر پہنچ کر بحفاظت اتر گیا اور دونوں پروازیں حادثے سے محفوظ رہیں۔
مزید خبریں :
مکہ مکرمہ، طائف اور دیگر سعودی شہروں میں موسلا دھار بارش
10 گھنٹے پہلے
ڈونلڈ ٹرمپ نے اپنی 15 رکنی کابینہ کا انتخاب مکمل کرلیا
25 نومبر ، 2024
اسرائیل اور حزب اللہ جنگ بندی کیلئے ابتدائی طور پر رضامند
25 نومبر ، 2024
یواے ای میں اسرائیلی مذہبی رہنما کے قتل کے شبے میں 3 افرادگرفتار
25 نومبر ، 2024
