عاطف اسلم کی اہلیہ کا پی ایس ایل 7 کے ترانے میں اہم کردار

پاکستان سپر لیگ کے ساتویں ایڈیشن کا آفیشل ترانہ 'آگے دیکھ' دو روز قبل جاری کیا گیا جس میں  گلوکار عاطف اسلم اور آئمہ بیگ نے اپنی آواز کا جادو جگایا۔

لیکن کیا آپ جانتے ہیں کہ پی ایس ایل 7 کے گانے میں عاطف کی اہلیہ سارہ بھروانا نے بھی اہم کردار ادا کیا؟

جی ہاں آفیشل ترانے کی ویڈیو میں عاطف اسلم کی اسٹائلنگ اور ان کا لُک سارہ بھروانا کی جانب سے ترتیب دیا گیا جس کا انکشاف عاطف اسلم نے خود اپنی حالیہ انسٹاگرام پوسٹ میں کیا۔

عاطف اسلم نے اپنے لُک کی کچھ تصاویر شیئر کیں اور مداحوں کی جانب سے محبت کے اظہار  پر  شکریہ ادا کیا، ساتھ ہی انہوں نے بتایا کہ میری اسٹائلنگ سارہ نے کی ہے۔

گلوکار نے مزاحیہ انداز میں کہا کہ مجھے معلوم تھا کہ سارہ کے پاس ان سے شادی کے انتخاب کے علاوہ تمام فیشن سینس لاجواب ہے۔

’آگے دیکھ‘، پاکستان سپر لیگ 2022 کا ٹائٹل سانگ جاری

رواں سال پی ایس ایل کے آفیشل سانگ میں گلوکار عاطف اسلم اور آئمہ بیگ نے آواز کا جادو جگایا ہے

اس سے قبل ترانے کے ریلیز ہوتے ہی صارفین نے جہاں آگے دیکھ میں عاطف اور آئمہ کی تعریف کی وہیں عاطف اسلم کی اسٹائلنگ اور لباس کے بھی خاصے چرچے رہے۔

واضح رہے کہ یہ پہلا موقع ہے جب عاطف اسلم نے ایچ بی ایل پی ایس ایل کے لیے ترانہ گایا ہے جب کہ ایونٹ کے آغاز کے 3 سیزنز میں علی ظفر  نے آفیشل ترانے گائے تھے جو آج بھی مقبول ہیں۔