27 جنوری ، 2022 
واپڈا نے متعدد کرکٹرز کو فارغ کردیا، نوٹیفکیشن جاری
27 جنوری ، 2022
محکمہ جاتی کرکٹ کے خاتمے کے ساتھ ہی کرکٹرز کے بے روز گار ہونے کا سلسلہ جاری ہے۔
واپڈا اسپورٹس بورڈ کے حکم نامے کے بعد قومی کرکٹرز کو فارغ کرنے کا نوٹیفکیشن جاری کر دیا گیا ہے ۔
واپڈا اسپورٹس بورڈ نے گزشتہ ماہ دسمبر میں پاکستان کرکٹ بورڈ کے ریجنل کرکٹ کرانے کو جواز بناتے ہو ئے کرکٹ ٹیمیں ختم کرنے کا حکم نامہ جاری کیا تھا اور اب اس حکم نامے کی روشنی میں قومی کرکٹرز کے کنٹریکٹ ختم کر کے انہیں فارغ کر دیا گیا ہے۔
واپڈا کے جاری نوٹیفکیشن کے مطابق کامران اکمل، وہاب ریاض، سلمان بٹ، صدیق مہدی، ارشد اقبال، صہیب مقصود اور احسان عادل کے اسپیشل کنٹریکٹ ختم ہو گئے ہیں جبکہ مستقل ملازم علی رفیق کو فوری طور پر ڈیوٹی پر واپس بلا لیا گیا ہے، انہیں ضرورت پڑنے پر ریلیز کیا جائے گا۔
بتایا گیا ہے کہ کرکٹرز محمد آصف، سہراب خان، زاہد منصور، شاہد طارق اور مہندر پال سنگھ کا بھی کنٹریکٹ ختم کر دیا گیا ہے، ماہانہ مشاہرہ لینے والے کرکٹر جہانزیب عبداللہ کو بھی فارغ کر دیا گیا ہے جنہیں اب ماہانہ مشاہرہ نہیں ملے گا۔
مزید خبریں :
کراچی پریمیئر لیگ ملیر ڈولفنز نے جیت لی
47 منٹ پہلے
سلیکشن کمیٹی کے بعد محمد یوسف کوچنگ سے بھی الگ ہوگئے
16 نومبر ، 2024
آسٹریلیا نے دوسرے ٹی ٹوئنٹی میں پاکستان کو 13 رنز سے شکست دے دی
16 نومبر ، 2024
