02 فروری ، 2022 
ملازمت حاصل کرنے کیلئے امیدوار کا منفرد طریقہ، کمپنی کا منیجز بھی معترف
02 فروری ، 2022
ملازمت کے متلاشی ایک نوجوان نے نوکری کیلئے درخواست دینے کا ایک انوکھا طریقہ تلاش کیا جو اس کے حق میں چلا گیا۔
تعلیم حاصل کرنے کے بعد ہر نوجوان کی خواہش ہوتی ہے کہ اسے جلد سے جلد نوکری مل جائے جس کے لیے وہ اپنی CV ( ذاتی معلومات پر مبنی دستاویز) بذریعہ ای میل مختلف کمپنیوں میں بھیجتا ہے ۔
تاہم برطانیہ سے تعلق رکھنے والے 24 سالہ جوناتھن نے اپنی CV متعلقہ کمپنی تک پہنچانے کیلئے ایک منفرد طریقہ اپنایا۔
رپورٹس کے مطابق جوناتھن نے برطانیہ کے علاقے یارکشائر میں ایک پرنٹنگ کمپنی میں مارکٹنگ کے ڈپارٹمنٹ میں خالی اسامی کیلئے اپنی CV پرنٹ کرواکر کمپنی کے باہر کھڑی گاڑیوں میں ڈال دیں۔
جوناتھن کا یہ منفرد طریقہ کام کرگیا اور کمپنی کے مارکٹنگ منیجر کے ہاتھ اس کی CV لگ گئی اور اسے انٹرویو کیلئے بلا لیا۔
رپورٹس کے مطابق کمپنی نے بعد میں اعلان کیا کہ 140 درخواست گزاروں میں سے جوناتھن کو نوکری پر رکھ لیا گیا ہے۔
اطلاعات کے مطابق کمپنی کے مارکٹنگ منیجر کریگ نے ٹوئٹر پر جوناتھن کے ملازمت کی درخواست دینے کے اس منفرد طریقے کی تعریف کی جبکہ پارکنگ میں موجود گاڑیوں میں اپنی CV ڈالنے کی جوناتھن کی ویڈیو بھی اپ لوڈ کی۔
ٹوئٹر پر موجود ویڈیو میں دیکھا جاسکتا ہے کہ ایک نوجوان پارکنگ میں کھڑی گاڑیوں کے شیشوں پر کچھ رکھ رہا ہے۔
مزید خبریں :
دنیا کی طویل القامت اور پست قد خاتون کی پہلی بار ملاقات
21 نومبر ، 2024
چینی کمپنی کا ملازمین کیلئے انوکھے بونس کا اعلان
22 نومبر ، 2024
ویڈیو: کراچی کے علاقے گارڈن میں بندر مکان کی چھت پر چڑھ گیا
20 نومبر ، 2024
دبئی میں چوبیس قیراط سونے کی الیکٹرک کار قرعہ اندازی کے لیے پیش
19 نومبر ، 2024
