08 فروری ، 2022 
پاکستان
اولاد نرینہ کی خواہش، پیرکے کہنے پر خاتون کے سر میں کیل ٹھوک دی گئی
08 فروری ، 2022
پشاور میں اولاد نرینہ کی خواہش میں عامل کے کہنے پر خاتون کے سر میں کیل ٹھوک دی گئی۔
رپورٹس کے مطابق عامل کے کہنے پر خاتون کے سر میں کیل ٹھوک دی گئی تھی جس کے بعد خاتون کو اسپتال منتقل کیا گیا۔
پشاور کے لیڈی ریڈنگ اسپتال میں زخمی خاتون کی سرجری کرکے کیل کو نکال دیا گیا ہے۔
نیورو سرجن ڈاکٹر حیدر کا کہنا ہے کہ خاتون حاملہ ہے، سر پر گہری چوٹ تھی، خاتون نے بتایا بیٹےکی خواہش ہے، پیرصاحب نے سرپرکیل ٹھوکنےکا کہا تھا۔
ذرائع کا کہنا ہے کہ خاتون پر بیٹے کی پیدائش کیلئے اس کے شوہر کی جانب سے دباؤ تھا۔
