11 فروری ، 2022 
لگتا ہے کہ بہت عرصہ پہلے میری شادی رنبیر سے ہو چکی: عالیہ بھٹ
11 فروری ، 2022
بالی وڈ کی اداکار جوڑی عالیہ بھٹ اور رنبیر کپور کی شادی کے لیے ان کے مداح بے صبری سے منتظر ہیں لیکن عالیہ بھٹ نے اس حوالے سے ایک انکشاف کر کے سب کو حیران کر دیا ہے۔
بھارتی میڈیاکو دیے گئےانٹرویو میں عالیہ بھٹ نے اپنی شادی سے متعلق گفتگو کی اور شادی میں تاخیر سے متعلق کیے گئے سوال پر عالیہ بھٹ نے رنبیر کپور کے ایک پرانے بیان سے اتفاق کرتے ہوئے کہا کہ اگر عالمی وبا کورونا نے اپنا کھیل نہ کھیلا ہوتا تو وہ اور رنبیر اب تک شادی کر چکے ہوتے۔
دوران انٹرویو عالیہ بھٹ نے کہا کہ لیکن میں خیالوں میں رنبیر کپور سے پہلے ہی شادی کر چکی ہوں اور مجھے ایسا لگتا ہے کہ بہت عرصہ پہلے ہی میری شادی رنبیر سے ہو چکی ہے۔
عالیہ بھٹ نے مزید کہا کہ لیکن جو بھی ہوتا ہے اس کے لیے ایک وجہ ہوتی ہے اور ہماری شادی جب ہوگی وہ ایک صحیح وقت پر اور بہت خوبصورت انداز میں ہوگی۔
دوسری جانب رنبیر کپور اور عالیہ بھٹ کی شادی سے متعلق بھارتی میڈیا میں ایک بار پھر چہ مگوئیاں جاری ہیں اور قیاس آرائیاں کی جا رہی ہیں کہ جوڑا رواں سال اپریل میں شادی کے بندھن میں بندھنے والا ہے۔
مزید خبریں :
شوہر سے طلاق کا تعلق اے آر رحمان سے ہے؟ گٹارسٹ نے خاموشی توڑ دی
22 نومبر ، 2024
سابق بھارتی اداکارہ ثنا خان کے ہاں دوسرے بچے کی پیدائش متوقع
22 نومبر ، 2024
