14 فروری ، 2022 
حجاب پہننے والی لڑکی ایک دن بھارت کی وزیراعظم ہوگی: اسد الدین اویسی
14 فروری ، 2022
آل انڈیا مجلسِ اتحاد المسلمین (اے آئی ایم آئی ایم) کے سربراہ و رکن لوک سبھا اسد الدین اویسی نے بھارت میں ان دنوں حجاب سے متعلق چلنے والی بحث پر اپنے خیالات کا اظہار کیا ہے۔
ٹوئٹر پر اسد الدین اویسی نے ایک ویڈیو بیان جاری کیا ہے جس میں انہیں حجاب کے تنازع پر اپنے خیالات کا اظہار کرتے دیکھا جاسکتا ہے۔
اسد الدین اویسی نے کہا کہ اگر کوئی لڑکی حجاب پہننے کا فیصلہ کرتی ہے اور اپنے والدین کو اس فیصلے سے آگاہ کرتی ہے تو اس کے والدین بھی اسے اس کے فیصلے سے نہیں روک سکتے۔
انہوں نے کہا کہ بھارت میں حجاب اور نقاب پہننے والی لڑکیاں کالج بھی جائیں گی، ڈاکٹر، کلیکٹر، تاریخ دان اور بزنس مین بھی بنیں گی۔
اسد الدین اویسی نے واضح کیا کہ عوام یاد رکھیں، شاید اس دن تک میں زندہ نہ رہوں لیکن ایک دن حجاب پہننے والی لڑکی بھارت کی وزیراعظم ہوگی۔
مزید خبریں :
دنیا بھر میں کرسمس تقریبات کا آغاز،گرجا گھروں میں خصوصی عبادات
25 دسمبر ، 2024
شام کے شہر حماہ میں نامعلوم افراد نےکرسمس ٹری کو آگ لگادی
24 دسمبر ، 2024
سعودی عرب میں رواں سال 300 سے زائد افراد کو سزائے موت دی گئی
24 دسمبر ، 2024
ایک اورکشمیری نژاد پاکستانی برطانیہ میں لارڈ بن گیا
24 دسمبر ، 2024
