19 فروری ، 2022 
لاہور میں قذافی اسٹیڈیم کے اندر ڈیوٹی پر موجود لیڈی کانسٹیبل سے زیادتی کی کوشش
19 فروری ، 2022
لاہور میں قذافی اسٹیڈیم کے اندر ڈیوٹی پر موجود لیڈی کانسٹیبل سے زیادتی کی کوشش کرنے والے دو افراد کیخلاف مقدمہ درج کر لیا گیا۔
پولیس نے ایف آئی آر میں لیڈی کانسٹیبل کا ذکر نہیں کیا لیکن ایک ملزم کوحراست میں لینے کا دعویٰ کیا ہے۔
ایف آئی آر کے مطابق متاثرہ لڑکی نشتر اسپورٹس کمپلکس کے گیٹ نمبر ایک سے فیروز پور روڈ کی طرف جانا چاہتی لیکن راستہ بھول گئی، دو افراد راستہ بتانے کا جھانسہ دے کر اندھیرے میں لے گئے اور زیادتی کی کوشش کی جس پر لڑکی نے شور مچادیا۔
مقدمے میں دو افراد کو نامزد کیا گیا ہےجن میں سے ایک کوحراست میں لےکرتفتیش شروع کردی گئی۔
لیڈی کانسٹیبل نے ایف آئی آر میں اپنے عہدے کا ذکر نہیں کیا، ایف آئی آر کے مطابق لڑکی کے شور مچانے پر بھائی اور والد نے اسے بچایا جبکہ پولیس کےمطابق لڑکی نے پہلے راستہ بھولنے اور پھر بھائی اور والد کی جانب سے بچانے کا ذکرکیا ہے۔
پولیس کے مطابق خاتون نے زیادتی کی کوشش کرنے والے کا پورا پتہ بھی لکھوایا اور واقعے کا وقت رات 11 بجکر 55 منٹ بتایا، لڑکی کا طبی معائنہ بھی کرالیا گیا ہے۔
پولیس کے مطابق لیڈی کانسٹیبل اینٹی رائٹس یونٹ میں تعینات ہے اور لڑکی کے بیان پر ہی ایک ملزم کو گرفتار کیا گیا ہے جبکہ دوسرے ملزم کی گرفتاری نہیں ہو سکی۔
