22 فروری ، 2022 
ہونٹوں کی سرجریز کرواکر ساری بطخیں بن گئی ہیں: زرنش خان
22 فروری ، 2022
معروف پاکستانی اداکارہ زرنش خان نے پاکستانی شوبز انڈسٹری میں ہونٹوں کی سرجریز کرانے والی اداکاراؤں کو تنقید کا نشانہ بنایا ہے۔
زرنش خان نے حال ہی میں ہدایتکار و میزبان وجاہت رؤف کے ویب شو میں شرکت کی جہاں ان سے ذاتی زندگی سمیت انڈسٹری کے کچھ دلچسپ سوالات پوچھے گئے۔
وجاہت رؤف کے پروگرام کا ایک چھوٹا سا کلپ سوشل میڈیا پر وائرل ہے جس میں میزبان زرنش خان کو کہتے ہیں کہ آپ نے کبھی چہرے کے کسی خدوخال کی سرجری سے متعلق نہیں سوچا؟ ہونٹ بڑے کروالیں یا ناک تبدیل کروالیں۔
جواب میں اداکارہ نے جواب دیا کہ نہیں، میں نے اس بارے میں کبھی نہیں سوچا نہ ہی چہرے میں کچھ تبدیل کرواؤں گی، آپ مجھے دس سال بعد دیکھیں گے میں تب بھی ایسی ہی نظر آؤں گی۔
زرنش خان نے ساتھی اداکاراؤں کو تنقید کا نشانہ بناتے ہوئے کہا کہ معذرت کے ساتھ مجھے بطخ جیسے ہونٹ نہیں چاہئیں، ساری اداکارائیں بطخیں بن گئی ہیں۔
انہوں نے کہا کہ یہ سب بہت خوبصورت ہوا کرتی تھیں لیکن نہ جانے ان کے ساتھ کیا ہوگیا۔
واضح رہے کہ شوبز انڈسٹری میں کئی ایسے اداکار اور اداکارائیں ہیں جنہوں نے ناک یا ہونٹ کی سرجری کروارکھی ہے، جس کا انکشاف وہ خود بھی کر چکے ہیں۔
مزید خبریں :
میرے نزدیک دوستی ضروری، شادی بیکار کام ہے: جاوید اختر
25 نومبر ، 2024
اہلیہ ایشوریا کیلئے ابھیشیک کے بیان نے مداحوں کو حیران کردیا
25 نومبر ، 2024
