یوکرین سے روسی سفارتی عملےکا انخلا شروع، یوکرین کی بھی شہریوں کو روس چھوڑنےکی ہدایت

روس اور یوکرین کے درمیان صورتحال مزید کشیدہ ہوتی جارہی ہے اور روس نے یوکرین سے اپنے سفارتی عملے کو نکالنا شروع کردیا ہے۔

غیر ملکی میڈیا کے مطابق روسی سرکاری میڈیا نے تصدیق کی ہےکہ روس نے یوکرین کے دارالحکومت کیف میں  واقع اپنے سفارت خانے میں موجود افراد کو نکالنا شروع کردیا ہے۔

پیوٹن نے یوکرین کے ساتھ جنگ بندی کے معاہدےکے خاتمےکا اعلان کردیا

منسک امن معاہدے کوپورا کرنے کے لیے اب کچھ بھی نہیں بچا، یوکرین کو غیر مسلح کیا جانا چاہیے، پیوٹن

برطانوی خبر ایجنسی روئٹرز کے مطابق کیف میں روسی سفارت خانے کی عمارت سے روس کا جھنڈا ہٹالیا گیا ہے، دوسری جانب  روسی میڈیا کے مطابق نائب روسی وزیر خارجہ نے کہا ہےکہ ماسکو یوکرین کے ساتھ سفارتی تعلقات ختم نہیں کرنا چاہتا ہے۔

خیال رہے کہ دو روز قبل روسی صدر ولادیمیر پیوٹن نے مشرقی یوکرین کے دو علیحدگی پسند علاقوں کو آزاد ریاست کے طور پر تسلیم کرنے کے انتظامی آرڈر پر دستخط کردیے تھے جس کے بعد سے خطے میں پہلے سے موجود کشیدگی میں مزید اضافہ دیکھا جارہا ہے۔

یوکرین کی اپنے شہریوں کو روس چھوڑنےکی ہدایت

ادھریوکرین نے روس میں موجود یوکرینی شہریوں کوفوری طورپرروس چھوڑنےکی ہدایت کردی ہے۔

پیوٹن نے یوکرین کے دو علاقوں کو آزاد ریاست تسلیم کرنے کے حکمنامے پر دستخط کردیے

روس کی جانب سے علیحدگی پسند علاقوں کو آزاد ریاست تسلیم کیے جانے کے بعد روسی فوج کے دستے ان علاقوں میں داخل ہوسکیں گے جس سے معاملے کو سلجھانے کے سفارتی دروازے بند ہوجائیں گے

خبرایجنسی کےمطابق یوکرینی وزار ت خارجہ نےٹریول ایڈوائزری جاری کرتےہوئےکہا ہے کہ ممکنہ جارحیت کی صورت میں روس میں یوکرینی شہریوں کے لیے قونصلر امداد ناکافی ہوسکتی ہے، اس لیے روس میں رہنے والے یوکرینی شہری روس چھوڑ دیں اور روس کا سفرکرنے سے گریز کریں۔

خبرایجنسی کےمطابق یوکرین فرنٹ لائن کےقریب بمباری کی آوازیں سنی گئی ہیں، فرنٹ لائن کے علاقے شچستیا اور س کےاردگرد علاقوں میں کشیدگی برقرار ہے۔

مشرقی یوکرین میں روس کے اقدام کےبعد سڑکیں سنسان ہیں، یوکرین کےشہر خرطسسک میں لاؤڈاسپیکر سےانخلا کےمراکز کےاعلان کیےجارہےہیں۔

یوکرین کی مسلح افواج کا کہناہے صدر زیلنسکی کے فرمان کے بعد 18 سے 60 سال کی عمر کے افراد کو ریزروفورس کے طور پر بھرتی کرنا شروع کر دیا ہے۔

برطانیہ کا کہنا ہے کہ روس کی جانب سے  یوکرین پر حملہ کرنے کا قوی امکان ہے، برطانوی وزیرخارجہ کا کہنا ہے کہ امکان ہے کہ پیوٹن یوکرین پر حملہ کرنےکے اپنے منصوبے پر عمل کریں گے۔

یوکرین کےحوالےسے تازہ ترین پیشرفت پریشان کن ہے:گوتریس

ادھر اقوام متحدہ کےسیکرٹری جنرل انتونیو گوتریس نے یوکرین کےحوالے سے تازہ ترین پیش رفت پر تشویش کا اظہار کیاہے۔

روس یوکرین کشیدگی: یوکرینی وزیردفاع کا فوجیوں کو جنگ کیلئے تیار رہنےکا حکم

جنگ کے لیے تیار رہیں، مشکلات ہوں گی، نقصانات ہوں گے، ہمیں درد کو برداشت کرنا ہوگا، روس کے خلاف یقینی فتح ہوگی، یوکرینی وزیردفاع

گوتریس کا کہناہے کہ  یوکرین کےحوالےسے تازہ ترین پیشرفت پریشان کن ہے، یوکرین کے معاملے پر تحمل کا مظاہرہ کرنے اور کشیدگی میں کمی کرنےکی ضرورت ہے۔

انہوں نے یوکرین کے دوعلیحدگی پسند علاقوں میں روسی فوج کوبطور امن فوج بھیجنے کے اقدام پر کہاکہ پیس کیپنگ کےتصور میں بگاڑ پر تشویش ہے،کسی ملک میں بلا اجازت گھسنے ہونے والی فوج غیر جانبدار امن فوج نہیں کہلاتی۔

انتونیو گوتریس نے فوری جنگ بندی کا مطالبہ کرتےہوئے قانون کی عمل داری قائم کرنے پر زوردیاہے۔

یوکرین سے کشیدگی، امریکی صدر کا کئی روسی اداروں اور شخصیات پر پابندی کا اعلان

پابندیاں روس کے یوکرین پر حملے کی شروعات ہیں، جو بائیڈن

روس یوکرین کشیدگی: عالمی مارکیٹ میں تیل مزید مہنگا ہوگیا

عالمی مارکیٹ میں برینٹ کی قیمت 100 ڈالر فی بیرل کے قریب پہنچ گئی۔