24 فروری ، 2022 
پاکستان
کورنگی کاز وے پر ناکہ بندی کرکے لوٹ مار کرنے والے گروہ کے 2 ملزمان گرفتار
24 فروری ، 2022
کراچی کے علاقے کورنگی کاز وے پر ناکہ بندی کرکے لوٹ مار کرنے والے گروہ کے دو ملزمان گرفتار ہوگئے۔
سینیئر سپرنٹنڈنٹ آف پولیس (ایس ایس پی) فیصل بشیر میمن کے مطابق گروہ کے دیگر 4 ملزمان کی گرفتاری کیلئے چھاپے مارے جا رہے ہیں، گرفتار ملزمان میں واردات کا ماسٹر مائنڈ بھی شامل، ملزمان سے 2 پستول اور 2 مسروقہ موٹر سائیکلز برآمد ہوئی ہیں۔
ایس ایس پی کے مطابق ملزمان کے قبضہ سے چھینے گئے 8 موبائل فونز اور 10 ہزار روپے بھی برآمد ہوئے ہیں، گرفتار ملزمان نے کورنگی اور ملیر ضلع کے مختلف علاقوں میں وارداتوں کا انکشاف کیا ہے۔ملزمان شہر کے تفریحی مقامات پر بھی شہریوں کو لوٹ مار کا نشانہ بناتے ہیں۔
