وزیراعظم عمران خان روس کا دورہ مکمل کرکے وطن واپس پہنچ گئے

اسلام آباد: وزیراعظم عمران خان روس کا دورہ مکمل کرکے پاکستان واپس پہنچ گئے۔

وزیراعظم کے ہمراہ وفاقی وزراء بھی دورہ روس  مکمل کرکے وطن واپس پہنچ گئے ہیں۔

واضح رہے کہ وزیراعظم عمران  خان دو روزہ سرکاری دورے پر روس گئے تھے جہاں ان کی صدر پیوٹن سے تین گھنٹے طویل اہم ملاقات ہوئی، اس  کے علاوہ وزیراعظم اور  وزراء کی  وفود  کی سطح پر بھی ملاقات ہوئی۔

روسی صدر نے وزیراعظم عمران خان کے اعزاز میں ورکنگ لنچ دیا جس دوران کئی ایم او یوز، اسلاموفوبیا اور ویزا ایشو بھی زیرِ بحث آئے۔

وزیراعظم اور پیوٹن کی ملاقات، اسلاموفوبیا،گیس پائپ لائن، یوکرین اور دیگر امور پر تبادلہ خیال

وزیراعظم عمران خان نے روس اور یوکرین کےدرمیان تازہ صورتِ حال پر افسوس کا اظہار کیا اورکہا کہ پاکستان کو امید ہے کہ سفارت کاری فوجی تنازع سے بچاسکتی ہے

شاہ محمود کی روسی وزیر خارجہ سے ملاقات، دوطرفہ تعلقات اور عالمی امور پرگفتگو

پاکستان روس کے ساتھ دوطرفہ تعلقات کو خصوصی اہمیت دیتا ہے، پاکستان اور روس کے تعلقات بتدریج مستحکم ہوئے ہیں، شاہ محمود قریشی