فیملی کو کچھ ہوا تو یتیم ہوجاؤں گی، بالی وڈ کی یوکرینی اداکارہ کی دہائی

بالی وڈ کی یوکرینی اداکارہ نتالیہ یوکرین میں جنگ کے باعث اپنے خاندان کیلئے فکر مند ہیں۔

یوکرینی اداکارہ نتالیہ 11 سال سے بھارت میں موجود ہیں اور کئی فلموں اور ٹی وی سیریز میں اداکاری کرچکی ہیں۔

نتالیہ کا تعلق یوکرین سے ہے اور حالیہ دنوں میں جنگ کے باعث اپنے خاندان کیلئے فکر مند ہیں۔

روس کا حملہ، یوکرین کی خاتون رکن پارلیمنٹ نے بھی اسلحہ اٹھا لیا

24 فروری کو روس نے یوکرین پر حملہ کیا تھا جس کے بعد سے دارالحکومت کیف کے نواح میں جنگ جاری ہے

انہوں نے بتایا کہ میرا خاندان یوکرین کے شہر ریونہ میں مقیم ہے اور والدہ سے فون پربات ہوئی ہے، وہاں بھی روسی فوج سے جنگ جاری ہے۔

انہوں نے بتایا کہ بمباری اور لڑائی کے باعث سب کو شیلٹرز میں جانے کیلئے کہا گیا ہے لیکن میرے گھر والوں نے خود کو گھر میں بند کردیا ہے اور اب ان سے رابطے میں مشکل پیش آرہی ہے۔

اداکارہ کا کہنا تھاکہ یوکرین میں میری فیملی کو کچھ ہوگیا تو میں یتیم ہوجاؤں گی۔

خیال رہے کہ اداکارہ کی فیملی میں والدہ، سوتیلا والد اور دو بھائی اور ان کی بیوی بچے شامل ہیں۔