پی سی بی نے 100 نوجوان کھلاڑیوں کو ایک سال کا کنٹریکٹ دے دیا

پاکستان کرکٹ بورڈ (پی سی بی) نے پاکستان کے 100 روشن ستاروں کو ایک سال کا کنٹریکٹ دے دیا۔

پی سی بی کے مطابق پاکستان کرکٹ بورڈ نےجونیئر ڈویلمپنٹ پروگرام کے تحت  13 سے 19 سال کے 100 نوجوان کھلاڑیوں کو ایک سال کا کنٹریکٹ دے دیا ہے۔

 ان تمام کھلاڑیوں کو خصوصی طور پر آج لاہور قلندرز بمقابلہ ملتان سلطانز کے مابین ایچ بی ایل پی ایس ایل 7 کا فائنل دیکھنے قذافی اسٹیڈیم لاہور بھی مدعو کیا گیا ہے۔

اعلامیے کے مطابق پی سی بی ان کھلاڑیوں کی صلاحیتیں نکھارنے کے علاوہ انہیں تعلیمی اسکالرشپ بھی دے گا جبکہ  تمام کھلاڑیوں کو 30 ہزار روپے ماہوار وظیفہ بھی دیا جائے گا۔

پی ایس ایل فائنل: اسٹیڈیم میں دھکم پیل سے 4 واک تھروگیٹ ٹوٹ گئے

پاکستان سپر لیگ کے ساتویں ایڈیشن کے فائنل میں لاہور قلندرز اور ملتان سلطانز کی ٹیمیں لاہور کے قذافی اسٹیڈیم میں مدمقابل ہیں۔

 کنٹریکٹ حاصل کرنے والے ان 100 میں سے 45 کھلاڑیوں کا تعلق انڈر 19، 25 کا انڈر 16 اور 15کا انڈر 13 سے ہے جبکہ  10کھلاڑی ایسے ہیں جنہیں اسپیشل ٹیلنٹ کی بنیاد پر کنٹریکٹ دیے گئے ہیں۔ 

اس کے علاوہ بلوچستان میں کرکٹ کے فروغ اور پذیرائی کے لیے بھی 5 خصوصی کنٹریکٹ دیے گئے ہیں۔