28 فروری ، 2022 
حسن اور فہیم آسٹریلیا کیخلاف پہلے ٹیسٹ سے باہر، متبادل کا اعلان کردیا گیا
28 فروری ، 2022
آسٹریلیا کے خلاف سیریز سے قبل قومی کرکٹ ٹیم کے فاسٹ بولر حسن علی اور فہیم اشرف انجری کی وجہ سے پہلے ٹیسٹ سے باہر ہوگئے ۔
پاکستان کرکٹ بورڈ کے مطابق انجری کا شکار حسن علی اور فہیم اشرف کی جگہ بیٹر افتخار احمد اور آل راؤنڈر وسیم جونیئر کو آسٹریلیا کے خلاف پہلے ٹیسٹ کیلئے اسکواڈ میں شامل کرلیا گیا ہے۔
پی سی بی کے مطابق دونوں کھلاڑی آج رات اسلام آباد پہنچ جائیں گے جہاں انہیں 3 روز کی آئسولیشن مکمل کرنے کے بعد قومی ٹیسٹ اسکواڈ کو جوائن کرنے کی اجازت ہوگی۔
دوسری جانب فہیم اشرف اور حسن علی آئندہ ہفتے قومی اسکواڈ کو جوائن کرلیں گے جبکہ انہیں بھی اسکواڈ میں شامل ہونے کیلیے 3 روزہ آئسولیشن مکمل کرنا ہوگی۔
پی سی بی کے مطابق ممکنہ طور پر دونوں کھلاڑی آسٹریلیا کے خلاف دوسرے ٹیسٹ سے قبل مکمل فٹ ہوجائیں گے۔
واضح رہےکہ پاکستان اور آسٹریلیا کے درمیان پہلا ٹیسٹ 4 مارچ سے 8 مارچ تک راولپنڈی، دوسرا 12 سے 16 مارچ تک کراچی اور تیسرا ٹیسٹ 21 سے 25 مارچ تک لاہور میں کھیلا جائے گا۔
مزید خبریں :
پرتھ ٹیسٹ میں سنچری:کوہلی نے سر ڈون بریڈمین کو پیچھے چھوڑ دیا
25 نومبر ، 2024
رشبھ پنت آئی پی ایل کی تاریخ کے مہنگے ترین کھلاڑی بن گئے
25 نومبر ، 2024
