ویڈیو: لاہور قلندرز کی فتح کے بعد ڈریسنگ روم میں کیا ہوتا رہا؟

پاکستان سپر لیگ 7 میں لاہور قلندرز نے ملتان سلطانز کو شکست دے کر بلآخر ٹرافی اپنے نام کرلی۔

اب لاہور قلندرز کے آفیشل ٹوئٹر اکاؤنٹ پر فتح کے بعد ڈریسنگ روم سے کچھ مناظر شیئر کیے گئے جس میں  قلندرز کے چیف آپریٹنگ آفیسر (سی او او ) ثمین رانا کو کھلاڑیوں کے ہمراہ خوشی کا اظہار کرتے دیکھا جاسکتا ہے۔

ویڈیو میں ٹیبل پر پی ایس ایل7 کی ٹرافی بھی سجی ہے جب کہ اردگرد کپتان شاہین شاہ آفریدی سمیت دیگر کئی کھلاڑی بھی موجود ہیں۔

شاہین شاہ سے متعلق وزیراعظم کی پیش گوئی درست ثابت ہوگئی

پی ایس ایل کے ساتویں ایڈیشن کے فائنل مقابلے میں لاہور قلندرز نے ملتان سلطانز کو 42 رنز سے شکست دے کر پہلی بار ٹائٹل اپنے نام کیا۔

اس موقع پر ثمین رانا نے شاہین شاہ آفریدی سمیت دیگر کھلاڑیوں کی کارکردگی کو سراہا اور فخر کا اظہار کیا۔

دوسری جانب شاہین شاہ آفریدی نے بھی  میچز کے دوران تعاون  پر تمام کھلاڑیوں بالخصوص محمد حفیظ کا شکریہ ادا کیا۔